Mobil aloqasi xizmatlarini “OQ” mobil ilovasida taqdim etishga

OMMAVIY OFERTA SHARTNOMASI

 

 

1.           UMUMIY  QOIDALAR

 

1.1 O’zbekiston Respublikasi, 100047, Toshkent sh., Buxoro ko’ch., 1-uy manzilida joylashgan, mobil aloqa tarmoqlarini loyihalash, qurish, foydalanish va ko’chma (uyali) radiotelefon aloqa xizmatlarini ko’rsatish faoliyati bilan shug‘ullanish huquqini beruvchi АА № 0005845 -sonli Litsenziya; shaharlararo telekommunikatsiya tizimlarini loyihalash, qurish, foydalanish va xizmat ko’rsatish faoliyati bilan shug‘ullanish huquqini beruvchi   АА № 0001367 -sonli Litsenziya;  xalqaro telekommunikatsiya tizimlari xizmatlarini ko’rsatish huquqini beruvchi  АА № 0000940 -sonli Litsenziya;  ma’lumot uzatish tizimlarini loyihalash, qurish, foydalanish va xizmat ko’rsatish faoliyati bilan shug‘ullanish huquqini beruvchi АА  № 0005612 -sonli Litsenziya; ma’lumot uzatish tizimlaridan foydalanish va xizmat ko’rsatish huquqini beruvchi АА № 0006950-sonli Litsenziya asosida xizmatlarni ko’rsatuvchi “Unitel” MChJ (quyida“Operator”) ushbu hujjat bilan mazkur ofertani quyida aytib o’tilgan harakatlar bilan qa’bul qilgan jismoniy shaxslarga (quyida – “Abonent”, ikkala tomon birgalikda “Shartnoma tomonlari”) quyidagi shartlarga mufofiq quyidagi xizmatlarini ( keyingi matnda – “Xizmatlar”, “Aloqa xizmatlari”) “OQ” mobil ilovasi orqali taqdim etadi.

Ushbu Ommaviy oferta va uning ilovalari mobil aloqa xizmatlarini ko’rsatish bo’yicha shartnoma hisoblanadi.

Shuningdek, mazkur Ommaviy oferta shartlari shartnoma Tomonlari rioya qilishi  kerak  bo’lgan mobil aloqa xizmatlarini ko’rsatish Qoidalari hamdir. Quyida matndagi  shartnoma (ushbu shartnoma), hamda Oferta (ushbu Oferta) deb yuritiladigan atamalar bir hil ma’noga egadir.

 

1.2 Telekommunikatsiya xizmatlarini ko’rsatishga bo’lgan shartnomaning mazmuni - Operator tomonidan Abonentga O’zbekiston Respublikasi hududida Operator tarmog‘iga uni ulash hamda ashyoviy shaklga ega bo’lmagan muayyan texnika operatsiyalarini bajarish orqali “OQ” nomli mobil ilovasi orqali telekommunikatsiya xizmatlarni ko’rsatish hisoblanadi. Ushbu oferta shartlari Abonent tomonidan to’liq va so’zsiz qa’bul qilinganda, shu jumladan Abonent “OQ” mobil ilovasida o’zi tanlagan konstruktor-tarif rejasi narxiga muvofiq xizmatlari haqini oldindan to’lagan va majburiyatini bajargan taqdirda Abonentga telekommunikatsiya xizmatlari ko’rsatiladi.

1.2.1 Mobil elektron to’lovlar xizmatlarini taqdim etish tartibi va shartlari mazkur Ommaviy ofertaning ajralmas qismi bo’lgan ilovada bayon etilgan mobil elektron to’lovlar xizmatlarini taqdim etish qoidalari bilan belgilanadi.  

1.3              Mazkur ofertaning maqsadlari uchun  quyidagi asosiy atamalar qo’llanadi:

Abonent –  oldindan to’lov (prepaid) shartlari asosida Abonentlik shartnomasi tuzilgan va bir donadan kam bo’lmagan Abonent raqami taqdim etilgan jismoniy shaxs.

Abonentlik shartnomasi – Ommaviy oferta shartlari asosida   Abonent va Operator o’rtasida tuziladigan, mazkur Oferta, Narxnoma, Ro’yxatga olish blanki, oferta shartlari va uning ilovalaridan tashkil topgan shartnomadir.

Abonentlik raqami – Abonent uskunasini boshqa qurilmalar bilan aloqasi paytida telekommunikasiya tarmoqlarida identifikasiya qilib, xizmat ko`rsatish uchun Abonentga shartnoma asosida ajratiladigan raqam.

Abonent uskunasi – tarmoqqa ulanadigan, hamda elektr aloqa signallarini radiokanallar bo’yicha axborot uzatish va qabul qilish uchun shakllab beradigan texnika vositasi. Abonent uskunasi va unga bo’lgan dasturiy ta’minot Abonent tomonidan o’z hisobiga mustaqil xarid qilinadi, uning mulki hisoblanadi hamda “Telekommunikatsiyalar to’g‘risida”gi O’zbekiston Respublikasi qonunining 24 moddasiga muvofiq tegishlicha sertifikatlangan bo’lishi lozim.

Abonentlik to’lovi –  abonentga ma’lum aloqa xizmatlaridan foydalanish yoki ma’lum tarif rejasiga ko’ra aloqa xizmatlaridan foydalanish imkoniyati evaziga Operatorning Narx-navo varaqlarida belgilangan miqdor va davriylikda abonentning shaxsiy hisob varag‘idagi  hisobdan chiqariladigan to’lov. Ushbu to’lov doimiy hajmda belgilanib ko’rsatilgan xizmatlar hajmiga bog’liq bo’lmaydi.

Operator tarmog‘iga kirish – Operator taqdim etadigan xizmatlardan foydalanish uchun Operator tarmog‘iga kirish imkoni.

Tarifikasiya  birligi – Operator tanlagan tarifikasiya tizimiga ko’ra Abonent tomonidan haqi to’lanadigan telefon so’zlashuvi (bog’lanish) davomiyligi birligi.

Operatorning xizmat ko’rsatish doirasi – Litsenziyali kelishuv asosida Operator telekommunikatsiya xizmatlarini ko’rsatish huquqiga, O’zbekiston Respublikasida amal qiluvchi normativ aktlar va/yoki standartlarga (boshqaruvchi xujjatlar) mos sifatda telekommunikatsiya xizmatlarini ko’rsatish uchun texnik imkoniyatlarga ega bo’lgan hudud.

Kontent – axborot, ko’ngil ochar xususiyatga ega SMS, GPRS orqali olingan matnli yoki multimedia ma’lumotlari.

MyID -  «OQ» mobil ilovasiga o’rnatilgan, UZINFOCOMga tegishli bo’lgan «MyID» nomidagi ilovaning yuzning biometrik parametrlari (yuz geometriyasi) bo'yicha jismoniy shaxslarni Operator telekommunikatsiya xizmatlaridan onlayn tarzda foydalanishni ruxsat etilgan holda ta'minlash uchun ularga identifikatsiya va autentifikatsiya qilish imkonini beradigan funksiya.

Operator – «OQ» mobil ilovasi orqali xizmat ko’rsatayotgan “Unitel” Ma’suliyati cheklangan jamiyat.

Abonent raqamini ko’chirish (MNP) – boshqa operator (qabul qiluvchi) bilan yangi shartnoma tuzishda uyali aloqa xizmatlarini ko’rsatish shartnomasi asosida donor tomonidan ajratilgan abonent raqamini saqlash va undan foydalanish bo’yicha tashkiliy va texnik chora-tadbirlar kompleksi. Abonent raqamini ko’chirish Telekommunikatsiya xizmatlarini ko’rsatish qoidalarida (O’zbekiston Respublikasi Adliya vazirligida 2020-yil 30-iyundagi 3275-son ro’yxatidan o’tkazilgan), shuningdek ushbu Ommaviy ofertaning 3-ilovasida nazarda tutilgan.

Narxnoma (Price List) – Abonent shartnomasining ajralmas qismi bo'lib, Operator tomonidan ko’rsatilgan xizmatlarga narx belgilanadigan ushbu ommaviy ofertaning ilovasi.

Mobil elektron to’lov xizmatlarini taqdim etish qoidalari - Abonent tomonidan O’zbekiston Respublikasi qonunchiligiga muvofiq onlayn shakldagi fuqarolik-huquqiy bitimlar bo’yicha to’lovlarni va boshqa operatsiyalarni amalga oshirish, shu jumladan, Operatorning axborot tizimi va tarmog‘i orqali Abonent tomonidan Elektron pullar tizimining operatori yoki Uchinchi shaxslar xizmatidan foydalangan holda Abonentning elektron hamyonini to’ldirish va Elektron pullar bilan to’lovlarni amalga oshirish jarayonidagi Operator va Abonentning munosabatlarini tartibga soladigan qoidalardir.

Foydalanishga ruhsat berish – Operator tomonidan Abonentga Abonentlik raqamini taqdim etish va uni tarmoqqa ulan operatsiyalarini bajarish.   

Radiotelefon ulanish davomiyligi ­- Operator uskunasida chaqirilayotgan tomonning javobi aniqlangandan boshlab Operator uskunasida tomonlarning biri radiotelefon ulanishni o’chirishini aniqlashgacha bo’lgan vaqt intervali davomiyligi.

Hamkorlar – operator tomonidan shartnoma asosida sifatli xizmat ko’rsatish yoki istalgan xizmat targ’iboti, shu jumladan, operator ish  jarayonlariga xizmat ko’rsatuvchi shaxslar.

Foydalanish kelishuvi – abonent tomonidan mazkur shartnoma shartlariga qo’shilib, uning shaxsiy ma’lumotlariga  ishlov berish,  abonent haqidagi ma’lumotlar, abonent raqami va boshqa ma’lumotlarni tasdiqlovchi hujjat.  

Radiotelefon ulanish –abonentlardan hech bo’lmasa biri axborot almashish imkonini ta’minlab beruvchi Tarmoq Abonenti bo’lgan tarmoq telekommunikatsiya xizmatlari foydalanuvchilarining Abonent jihozlari o`rtasida radiotelefon aloqaning o’rnatilishi.

Rouming (Roaming) – Operator abonentining shu davlatdagi boshqa operatorning xizmat ko’rsatish hududida boshqa Operatorning tarmog`iga ulanish(milliy rouming) yoki boshqa davlatdagi boshqa Operatorning xizmat ko`rsatish hududida boshqa operatorning tarmog`iga ulanish (xalqaro rouming)  imkonini beruvchi xizmat. Operatorning rouming-hamkorlari va ularning davlatlari ro’yxati faqat ma’lum sana uchun amal qiladi va vaqti-vaqti bilan o’zgarib turishi mumkin. Rouming,-hamkorlar va davlatlar ro’yxati, va shuningdek rouming  xizmatlari tariflari Operator tomonidan rasmiy WEB-saytda hamda matbuotdagi axborot materiallarida bosib chiqariladi.

Operator sayti – Operatorning internet tarmog’idagi quyidagi manzil bo’yicha joylashgan ma’lumot resursi: «ОQ» mobil ilovasi foydalanuvchi Abonentlar uchun  www.oq.uz

Tarmoq – telekommunikatsiya vositalari (kommutatsiya va radio xizmati, abonentlik jihozlari, ulanish liniyalari, inshootlari va shu kabilar) yig‘indisi bo’lib, shular yordamida Abonentga telekommunikatsiya xizmatlari taqdim etiladi.

SIM-karta (bundan buyon matnda SIM karta deb yuritiladi) - ichiga mikrosxema o‘rnatilgan, olinuvchi identifikasiya moduli. Uning yordamida abonent qurilmasini identifikasiya qilish, uning mobil aloqa tarmog‘idan foydalana olishi, shuningdek, abonent raqamidan ruxsatsiz foydalanishdan himoya qilish ta'minlanadi; Abonentga ifentifikatsiyalanish, kompaniya tarmog'iga kirish (ulanish) va aloqa xizmatlarini ko'rsatish uchun ajratilgan sim-kartaning qiymati abonent tanlagan tarif rejasining narxiga kiradi.

eSIM – abonent kurilmasining virtual identifikasiya moduli, uning yordamida abonent kurilmasining identifikatsiya qilish, uning mobil aloqa tarmog’idan foydana olishi, shuningdek , abonent raqamidan ruxsatsiz foydalanishdan himoya qilish taminlanadi;

SMS  – qisqa xabarlar xizmati.

Tarifikatsiya tizimi – telekommunikatsiya xizmatlarining har xil turlariga va to’plamiga ko’rsatiladigan xizmatlar haqini hisoblash usuli.

Tarif\lar – ma’lum turdagi telekommunikatsiya xizmati narx(lar)i.

Tarif rejasi – aloqa xizmatlarining ma’lum to’plamiga muvofiq belgilangan tariflar ro’yxati.

Tarmoqqa kirishni taqdim etishning texnik imkoni – ajratilgan radiochastota resursini inobatga olgan holdagi abonent raqamlari hajmida va/yoki aloqa kanallarida, shu jumladan radiokanallarda bo’sh raqamlarning mavjudligi.   

Aloqa xizmatlarini taqdim etishning texnik imkonlari – Operator xizmati hududida ishlab turgan va Abonentga tegishli telekommunikatsiya xizmatlarini ko’rsatish uchun zarur bo’lgan texnika vositalari va aloqa inshootlarining mavjudligi.

Tranzaksiya –Natijasida taqdim etilgan Xizmatlar uchun Abonentning elektron hisobidan pul mablag‘larini yechib olinadigan  operatsiya. Operator quyidagilarni tranzaksiya bilan tenglashtirish huquqiga ega:

- Amalga oshirilgan, shu jumladan roumingda amalga oshirilgan chiqish qo’ng‘irog‘i (davomiyligi 0 sekunddan ko’p bo`lgan) (shoshilinch xizmatlarga va Operatorning bepul servis raqamlariga qo’ng‘iroqlardan tashqari);

- Tarmoq ichidagi va boshqa operatorlarning abonent raqamlariga barcha chiquvchi SMS xabarlari;

- Barcha kiruvchi tarifikatsiyalanadigan SMS lar;

- Abonent to’lovini yechilishi («Raqamni saqlash» xizmati bo’yicha mablag`larning yechilishi bundan mustasno);

- Xizmatlarni boshqarishning barcha pullik tranzaksiyalari;

- Ma‘lumotlar qabul qilish va uzatishning bo’lib o’tgan barcha sessiyalari.

Operator xizmatlari – radiosignallarni  va boshqa turdagi telekommunikatsiya xizmatlari va telekommunikatsiya tarmo’gi texnik imkoniyatlaridan kelib chiquvchi boshqa servislar majmui bo’lib,   abonentni o’zi  yoki tuzilgan shartnomalar asosida uchinchi shaxsni  jalb etgan holda tarmoqqa ulash.

Internet tamog’iga ma’lumot uzatish xizmati – Operator tomonidan ish yuritish natijasi sifatida Internet tarmog’i orqali ma’lumotni qabul qilish, uzatish va ishlov berish xizmati.

Cheklov miqdori – Abonentning shaxsiy  Elektron hisobvarag‘idagi (balansidagi) pul mablag‘larining eng kam miqdori, shunga ko’ra Operator Abonentga taqdim etiladigan aloqa xizmatlari hajmini cheklash yoki to’liq hajmda to’xtatish huquqiga ega.

Frod — Kompaniya tarafidan taqdim etiladigan Telekommunikatsiya xizmatlaridan o’rnatilgan tartib va taomillarni buzib, tegishli to’lovsiz, shuningdek Operatorning yoki abonentning pul mablag‘ini o’zlashtirib olgan holda foydalanishga olib kelgan jismoniy shaxsning qasddan harakati yoki harakatsizligi.

GSM shlyuz – umumiy foydalanish statsionar tarmog'iga yoki mobil operator tarmog'iga ulanuvchi va telefon qurilmasidan kiruvchi barcha qo'ng'iroqlarni GSM shluz tarmoqlaridan biriga va undan mahalliy telefon tarmog'iga yo'naltirib, mahalliy qo'ng'iroq sifatida baholash imkonini beruvchi bir yoki ko'p kanalli mobil qurilma.

Elektron (Shaxsiy) hisob - Abonentning olish imkoni bo`lgan Operator xizmatlari hajmining pullik ekvivalentida ko`rsatilgan ma'lumotni o`zida saqlovchi Operatorning avtomatlashtirilgan hisoblash tizimidagi elektron fayl.

Shaxsga doir ma’lumotlar – muayyan jismoniy shaxsga taaluqli bo`lgan yoki uni identifikasiya qilish imkonini beradigan, electron tarzda, qog`ozda va (yoki) boshqa moddiy jismda qayd etilgan axborot. Abonentlar to’g‘risidagi ma’lumotlarga quyidagilar kiradi:

a)      jismoniy shaxsning shaxsiy identifikatsiya raqami (JShShIR), Jismoniy shaxsning - Abonentning familiyasi, ismi, otasining ismi;

b)     Abonent manzili, tahallusi, abonentlik raqamlari hamda Abonent va uning abonent jihozini aniq tasniflash imkonini beruvchi boshqa ma’lumotlar. Mazkur ma’lumotlar ro’yxati operator tomonidan tasdiqlanadi va uning rasmiy web saytida joylanadi.

IMEI kodi (International Mobile Equipment Identifier) yoki xalqaro o’ziga xos identifikatsiya kodi (bundan buyon matnda IMEI-kod deb yuritiladi) - 15 raqamdan iborat bo’lgan va GSMA tomonidan ajratiladigan, shuningdek, tarmoqda GSM/UMTS/LTE standartlarida ishlovchi mobil aloqa abonent qurilmasini identifikatsiyalovchi raqam. Abonent mobil tarmog’i uskinasi ning IMEI kodi qonunchilikda belgilangan tartib orqali ro’yxatdan o’tgan bo’lishi shart.

Cashback - operator tomonidan ko'rsatilayotgan telekommunikatsiya xizmatlari uchun chegirma sifatida qollaniladigan Abonent elektron shaxsiy hisob raqamiga kiritilgan pul mablag'larining ekvivalenti.

Aksept (Qabul qilish) - ushbu Ofertaning barcha shartlarini to'liq va shartsiz qabul qilish, Ofertaning 2.1-bandda belgilangan tartibda amalga oshiriladi.

 Abonentlarning shaxsiy ma'lumotlarini to'plash va qayta ishlashdan maqsad, Operator bilan shartnoma tuzgan Abonentlarga, Operator tomonidan mobil telekommunikatsiya xizmatlarini va boshqa qo'shimcha xizmatlarini ko'rsatish, foydalanuvchi (terminal) uskunasidan foydalangan shaxslarni aniqlash va identifikatsiya qilish, uchinchi shaxslarga taqdim etish va ularni o'tkazish, Operator tomonidan tuzilgan shartnomalar asosida uchinchi shaxslarning tomonidan shaxsiy ma'lumotlarning maxfiyligini saqlash va ularni qayta ishlash xavfsizligini ta'minlash majburiyatining muhim sharti bilan jalb qilingan, ma'lumotlarni yetarli darajada himoyalangan mamlakatlarga transchegaraviy uzatish, shu jumladan O`z. R. amaldagi qonunchiligida nazarda tutilgan hollarda huquqni muhofaza qilish funktsiyalarini bajaruvchi shaxslarga ma'lumotlar uzatish; qonuniy va oqilona talablar asosida.

 

Operator telekommunikatsiya va Operator bilan tuzilgan shartnomalar asosida uchinchi shaxslar tomonidan boshqa qo’shimcha xizmatlarni Abonentlarga effektiv ko’rsatish maqsadlarda, Operator   rasmiy saytida  joylangan   yig`ish, qayta ishlash  va ulardan foydalanish siyosatiga ko’ra amalga oshiradi.

 

1.4              Shartnoma shartlari Operator tomonidan O’zbekiston Respublikasining amaldagi qonunlariga muvofiq mustaqil belgilanadi. Tarmoqdagi telekommunikatsiya xizmatlari, Abonent tanlagan xizmatlar to’plami va tarif rejasiga muvofiq, ko’rsatilishi ta’minlanadi. barcha Abonentlarga teng shartlarda ko’rsatilishi ta’minlanadi.

 

1.5              Operator tomonidan Abonentlarga ko’rsatiladigan asosiy va qo’shimcha telekommunikatsiyalar xizmatlari ro’yxati, aloqa va axborotlashtirish sohasidagi normativ-texnikaviy hujjatlarini inobatga olgan holda, Lisenziya asosida, hamda Operatorga yoki O’zbekiston Respublikasida umumiy foydalanishdagi telekommunikatsiyalar tizimini tashkil qiluvchi telekommunikatsiya tarmoqlari Operatorlariga tegishli bo’lgan tarmoqlarning va aloqa vositalarining texnika imkoniyatlari bilan belgilanadi va Operatorning Narx-navo varaqlarida ko’rsatiladi. Xizmatlar ro’yxati texnikaviy, tashkiliy va/yoki moliyaviy sharoitlarga ko’ra vaqti-vaqti bilan o’zgarishi mumkin.

 

1.6              Operator xodimlariga o’z xizmat vazifalarini bajarish oqibatida ma’lum bo’lib qolgan Abonentlar to’g‘risidagi ma’lumotlar mahfiy hisoblanadi va O’zbekiston Respublikasining qonunlariga muvofiq himoyalanadi. Mahfiy ma’lumotlar, Abonent Operator xizmatlaridan “OQ” mobil ilovasi orqali foydalanganida, shuningdek Operator web-saytiga kirganida qo’llaniladi. Mahfiy ma’lumotlar, Abonent Operator tarmog‘i va xizmatlari orqali boshqa kompaniyalar web-saytlari va xizmatlaridan foydalangan taqdirda ham, ularga nisbatan qo’llanilmaydi.

 

1.7              Telekommunikatsiya tizimlari bo’yicha uzatiladigan xabarlar hamda xabarlarning o’zi to’g‘risidagi  axborot faqat ularni jo’natuvchilariga (Operator Abonentlariga) yoki ularning qonuniy vakillariga  berilishi mumkin. Telefon orqali suhbatlarni eshitish, telekommunikasiya tarmoqlari orqali tarqaluvchi habarlarni o`qish, ular bilan tanishish va suhbat sirining boshqa cheklovlariga faqatgina qonunda belgilangan holatlarda va qonunda belgilangan tartibda yo`l qo`yiladi.

 

Operator qonunda va ushbu shrtnomada belgilangan holatlardan tashqari holatlarda shartnomada ko`rsatilgan xizmatlarni ko`rsatish jarayonida olgan shaxsga doir ma’lumotlarni Abonentning roziligisiz uchinchi shaxsga berish yoki tarqatish huquqiga ega emas.

 

2.           SHARTNOMANI TUZISH VA BEKOR QILISH TARTIBI VA SHARTLARI

 

 

2.1              Abonent va Operator o’rtasidagi telekommunikatsiya xizmatlarini ko’rsatish shartnomasi “OQ” mobil ilovasi MyID funksiyasi ishlatilishi orqali ommaviy oferta shartlari asosida tuziladi. Jismoniy shaxs “OQ” mobil ilovasida ro’xatdan o’tishi paytida va  Abonent “elektron” (Shaxsiy) xisobiga  birinchi pul o’tkazmasi amalga oshirganda  uning shartnomani qa’bul qilganligi hisoblanadi. Mazkur shartnoma  jismoniy shaxs “OQ” mobil ilovasida o’z roziligini belgilangan paytdan  va  Abonent “elektron” (Shaxsiy) xisobiga  birinchi pul o’tkazmasi amalga oshirgan paytdan boshlab elektron ravishda tuzilgan xisoblanadi.

2.2              Quyidagi hollarda Operator telekommunikatsiya xizmatlarini ko’rsatish shartnomasini tuzishni rad etishi mumkin:

1)     operator tarmog‘iga kirish uchun texnik imkon bo’lmaganda;

2)      abonent so’ragan Operator tarmog‘i xizmatlarini ko’rsatishning texnikaviy imkoniyati bo’lmaganda;

3)      operatorda Abonentga tegishli jihoz haqida u boshqa Abonent tomonidan yo’qotilgan yoki O’zbekiston Respublikasining qonunlariga muvofiq sertifikatlanmaganligi to’g‘risidagi axborot bo’lganda, IMEI-kodi ro’yxatdan o’tmagan hollarda;

4)      operatorda potensial Abonentning Operator tomonidan avval ko’rsatilgan telekommunikatsiya xizmatlari uchun qarzi mavjudligi to’g‘risidagi ma’lumot bo’lganda;

5)     agar potensial Abonentni doimiy yoki vaqtincha ro'yxatdan o'tkazish joyini tasdiqlovchi ma'lumot taqdim etilmagan bo'lsa.

 

2.3              Quyidagi hollarda shartnoma Operator tomonidan bir taraflama bekor qilinishi mumkin:

1)     bajarishning imkoni bo’lmaganda (yengib bo’lmaydigan hodisa, texnik imkoniyati yo’qligi va sh.k. sababli);

2)     natijasida majburiyatlarni bajarish imkoni bo’lmaydigan davlat organi hujjatining chiqarilishi, xususan, belgilangan qonuniy tartibda Operator litsenziyasini qaytarib olish, amal qilishini to’xtatib qo’ysh, bekor qilish;

3)     operator tarafidan taqdim etilgan aloqa Xizmatlaridan foydalanish chog‘ida telekommunikatsiyalar sohasidagi tadbirkorlik faoliyati tizimining Abonent tarafidan buzilishi, shuningdek  Abonentning shu jumladan ularga qisqa xabarlar yo’llash va telefon qo’ng‘iroqlarini amalga oshirish orqali Abonent/Operatorni haqoratlovchi va obro`siga putr yetkazuvchi bezorilik harakatlari;

4)     tarmoqqa ulangan SIM/eSim-karta uchinchi shaxslarga berilgan taqdirda;

5)     abonent tarafidan frod yoki frod qilishga harakat aniqlanganda;

6)      6.8; 6.9 punktlarida nazarda tutilgan vaziyatlarda Operator xizmatlarini ko’rsatishni to’xtatadi;

7)      Ushbu shartnomaning 8.5 bo`limida ko`rsatilgan harakatlar aniqlangan holda;

8)     mazkur shartnomada yoki O’zbekiston Respublikasi qonuniy hujjatlarida nazarda tutilgan boshqa hollarda.

 

2.4.       Shartnoma bekor qilinganda, SIM/eSim -kartani tarmoqqa ulash haqi, shuningdek, Abonent tomonidan sotib olingan SIM/eSim -kartalar, hamda sotib olingan va ishlatilmagan to’lov kartalarining haqi Abonentga qaytarilmaydi. Abonenting mulki bo’lgan abonent uskunasi Operator tomonidan sotib olinmaydi. Chiroyli “oltin” abonent raqamini tanlash xizmati haqi Operator tomonidan qoplanmaydi.

2.5.      Shartnoma bekor qilingan holda, Abonentning shaxsiy «elektron» hisob raqamidagi ijobiy balans qoldig‘ini Abonentga tegishli bo‘lgan so’m valyutasidagi plastik kartaga naqd pulsiz shaklida mablag‘ o‘tkazish yo‘li bilan Abonentga qaytariladi. Bunda Abonent Operatorning qo’llab-quvvatlash markaziga elektron chat orqali murojaat qilgan holda  yozma ravishda to’ldirilgan arizaning elektron shaklida chatga yuborishi lozim, va bu holda shartoma bekor qilinadi va pul mablag’lari qaytarib beriladi.

2.5.1. Pul mablag‘larini qaytarish Abonentning yozma arizasi elektron shaklida Operatorning qo’llab-quvvatlash markazining xodimi orqali qabul qilingan kundan boshlab 30 kun ichida amalga oshiriladi.

2.5.2. Abonent Shartnoma bekor qilingan paytdan e’tiboran O‘zbekiston Respublikasi qonunchiligida belgilangan da’vo muddati davrida «elektron» hisob raqamida qolgan pul mablag‘larini Shartnoma bekor qilingan paytdan boshlab qaytarib berishni talab qilishga haqli. Agar Abonent belgilangan muddat tugaganidan keyin Kompaniyaga murojaat qilgan bo'lsa, mablag'lar qaytarilmaydi.

2.5.3. Abonentga Operator xizmatlari uchun avans sifatida kiritilgan pul mablag‘larining qaytarilishi, taraflarning qonun hujjatlariga va shartnoma munosabatlariga zid bo‘lmagan boshqa hollarda ham amalga oshirilishi mumkin.

2.5.4. Abonent «elektron» hisob raqamidan pul mablag'larini to'plash uchun foydalanganda (tarif rejasi bo'yicha o'rtacha oylik abonent to'lov miqdorining 20 baravari va undan ortiq bo‘lgan mablag‘), shu jumladan uchinchi shaxslardan tushgan mablag'lar bo‘lganda, mazkur ofertaning 4.1. qismini buzgan holda, Operator quyidagi huquqlarga ega:

- Abonentga qaytariladigan summaning 4,5% miqdorida jarima sanksiyasini qo'llash;

- xavflarni baholash maqsadida O‘zbekiston Respublikasining 26.08.2004 yildagi 660-II-sonli «Jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirg‘in qurolini tarqatishni moliyalashtirishga qarshi kurashish to‘g‘risida» gi qonuniga muvofiq jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurollarini tarqatishni moliyalashtirishga qarshi kurashish bilan shugʻullanuvchi vakolatli davlat organlariga murojaat qilish.

- Agar Abonent bronlangan raqamni “OQ” ilovasida ko’rsatib o’tilgan muddat Ichida faollashtirmasa, Operator to’lov uchun kiritilgan miqdorning 20% ushlab qolgan holda qaytarib berishga haqli.

2.6.      Ushbu shartnoma tomoni sifatida Abonent o’zgarganda, sobiq Abonent o'lgan taqdirda (shu jumlandan, ishga tushirilgan SIM/eSim -karta meros qolganda, sovg‘a qilib olinganda), sobiq Abonent bilan shartnoma bekor qilinadi (tasdiqlovchi hujjatlar taqdim etilganda) va yangi Abonent bilan xizmatlari ko’rsatilishi yuzasidan shartnoma tuziladi. Bunda operator (amaldagi tarif rejasiga muvofiq) Abonent to’g‘risidagi ma‘lumotlar bazasini qayta rasmiylashtirish bilan bog‘liq to`lovni va sobiq Abonentning qarzi qoplanishini talab qilishga haqli.

2.7.      Ushbu Oferta shartlari bo'yicha shartnoma tuzishda, Abonent, Operatorga xizmatlarini ko'rsatish jarayonida ma'lum bo'lgan, shaxsiy ma'lumotlarini va boshqa ma'lumotlarni qayta ishlashiga Operatorga rozilik beradi, foydalanuvchi (terminal) uskunasidan foydalangan shaxslarni aniqlashiga va identifikatsiya qilishiga, uchinchi shaxslarga taqdim etishiga va ularni o'tkazishiga, Operator tomonidan tuzilgan shartnomalar asosida uchinchi shaxslarning tomonidan shaxsiy ma'lumotlarning maxfiyligini saqlash va ularni qayta ishlash xavfsizligini ta'minlash majburiyatining muhim sharti bilan jalb qilingan, shuningdek ma'lumotlarni yetarli darajada himoyalangan mamlakatlarga transchegaraviy uzatishiga, shu jumladan O`z. R. amaldagi qonunchiligida nazarda tutilgan hollarda huquqni muhofaza qilish funktsiyalarini bajaruvchi shaxslarga ma'lumotlar uzatishiga; qonuniy va oqilona talablar asosida.

2.8.      Operator shartnoma tuzilgan vaqtdan boshlab, shaxsiy ma‘lumotlarni qayta ishlash maqsadiga erishilgan vaqtgacha davrda o’zining dasturiy-apparat vositalaridan foydalanib Abonentning ma‘lumotlarini qayta ishlaydi. Shaxsiy ma‘lumotlarni qayta ishlash deganda, shaxsiy ma‘lumotlar bilan ishlar (operatsiyalar), jumladan, shaxsiy ma‘lumotlarni yig‘ish, tartibga solish, to’plash, saqlash, aniqlashtirish (yangilash, o’zgartirish), foydalanish, egasiz qoldirish, blokirovkalash va yo’q qilish tushuniladi. Shaxsiy ma'lumotlarni yig'ish va qayta ishlashga Abonentning roziligini bekor qilish Abonentning talabiga binoan amalga oshiriladi. Xizmatlarni taqdim etish imkoniyati, Operatorda Abonentning shaxsiy ma'lumotlari mavjudligiga bog'liq, va rozilik qaytarib olingan taqdirda Xizmatlarni taqdim etish cheklangan bo'ladi.

2.9.      Operator olingan shaxsiy ma'lumotlarning maxfiyligi va xavfsizligini ta'minlaydi.

2.10.  Abonentning shaxsiy ma'lumotlarini Operator tomonidan jalb qilingan uchinchi shaxslar tomonidan tegishli bitimlar asosida shartnoma bo'yicha majburiyatlarni bajarish uchun qayta ishlashi mumkin. Operator tomonidan uchinchi shaxslar bilan tuzilgan shartnomalarning muhim sharti shaxsiy ma'lumotlarning maxfiyligini va ularni uchinchi shaxslar tomonidan qayta ishlash xavfsizligini ta'minlash majburiyatidir. Abonentlarning shaxsiy ma'lumotlarini qayta ishlashda Operator ishtirok etgan uchinchi shaxslarning ro'yxati Operator tomonidan Operator saytida joylashtirilishi mumkin. Operator uchinchi shaxslarning ro'yxatini aniqlash va o'zgartirish huquqiga ega.

2.11.  Agar Abonent shaxsiy ma'lumotlarni qayta ishlashga o'z roziligini qaytarib olishga qaror qilgan bo'lsa, Operator ushbu Ofertada ko'rsatilgan Xizmatlarni taqdim etishini cheklaydi. Abonentning shaxsiy ma'lumotlarni qayta ishlashga roziligi bekor qilingan taqdirda, shuningdek, maqsadlarga erishilgandan so'ng, Operator taqdim etilgan shaxsiy ma'lumotlarni yo'q qilishi mumkin.

 

 

3.           OPERATORNING HUQUQ VA MAJBURIYATLARI

 

 

3.1              Operator quyidagilarga majbur:

1)            abonentga ushbu shartnoma amal qilish davrida ishga tushirilgan SIM/eSim karta va Abonent raqamini taqdim etish;

2)            abonentga Operator Tarmog‘i xizmati doirasi hududida bo’lganida aloqa xizmatlarini taqdim etish; aloqa Tarmog‘i xizmati doirasi hududida aloqa xizmatlarining sifati O’zbekiston Respublikasida amal qiluvchi,  telekommunikatsiya faoliyatini reglament qiluvchi standartlar, texnikaviy me’yorlar va boshqa me’yoriy xujjatlarga, shuningdek Operator tarafidan taqdim etilgan xizmatlari shartlari haqidagi ma’lumotga mos kelishi lozim;

 

3)            xizmat doirasi hududida Abonentning tezkor operativ xizmatlarga (101- yong‘indan saqlash, 102-militsiya, 103- tez tibbiy yordam, 104-avariya gaz xizmati, 1050-FVV xizmati) tunu-kun bepul qo’ng‘iroq qilish imkonini ta’minlash;

4)            abonentga xizmatlari to’g‘risidagi aniq axborotni taqdim etish;

5)            tarif rejasiga o’zgartirishlar kiritilishi  haqidagi  axborot  mazkur  o’zgartirish Abonentga salbiy ta’sir ko’rsatsa   10 kundan  kechiktirilmasdan  rasmiy  WEB-sayt (www.oq.uz) va OQ savdo ofislariilovasi orqali Abonentga xabar berish

6)            abonentlarga aloqa xizmatlarini ko’rsatish vaqtida xizmatida aniqlangan nuqsonlarni bartaraf etish choralarini ko’rish;

7)            abonent uchun xizmatlaridan foydalanish va shu xizmatlar uchun hisob-kitoblar, aloqa sifati borasidagi maslahatlarni tashkillashtirish;

8)            operatorning  O’zbekiston Respublikasi va chet eldagi (rouming) uyali ko’chma radiotelefon aloqa tarmoqlari Operatorlari bilan tuzilgan tegishli shartnomalari mavjudligida va shunday xizmat Abonent tanlagan tarif rejasida nazarda tutilgan bo’lsa, Abonentga  boshqa tarmoqlarning xizmatlaridan foydalanish imkonini taqdim etish;

9)            aloqa xizmati haqini to`lamagani va/yoki abonent to’lovini to`lamagani uchun xizmat ko`rsatilmayotgan Abonentni u aloqa xizmatlari haqini va o’zi tanlagan tarif rejasi bo’yicha  to’lovni oldindan amalga oshirganidan so’ng Tarmoqqa ulash.

 

3.2              Operator quyidagi huquqlarga ega:

1)      O’zbekiston Respublikasi qonunchiligiga muvofiq Ommaviy ofertani bekor qilish, Operatorning ommaviy telekommunikatsion tarmoqda joylashgan rasmiy WEB-saytida (www.oq.uz) tegishli axborotni joylashtirish yo'li bilan, yoki Operator uchun maqbul bo'lgan boshqa usullar orqali Abonentlarni ogohlantirgan holda, ushbu ofertaga o'zgartirishlar kiritish va tegishli axborot joylashtirilgan kundan boshlab 10 kun ichida Operator Abonentdan bunday o'zgarishlarni to'liq yoki qisman rad etilishi haqidagi xabarni olmasa, shartnomaga bo'lgan o'zgarishlar qabul qilingan hisoblanadi;

2)      ushbu shartnoma shartlari va  Qonunchilik aktlari abonent tomonidan buzilgan taqdirda Abonent jihozini Tarmoqdan uzish. Nuqsonlar to’liq bartaraf etilib, Abonent jihozining Tarmoqqa takroran ulanishi Operator tariflari bo’yicha amalga oshiriladi, bunda Abonentda avvalgi Abonentlik raqami saqlab qolinishiga kafolat berilmaydi;

3)      abonentni o’zgarishlar amalga kiritilishidan oldin 10 kundan kechiktirmasdan xabarlagan holda tarif rejalarini, xizmatlari haqini to’lash tizimi, shartlari, shakllari va muddatlarini o’zgartirish.

4)      O’zbekiston Respublikasining amaldagi qonunchilik hujjatlarida nazarda tutilgan tartibda, bir taraflama tartibda Abonentga berilgan Abonentlik raqamini o’zgartirish;

5)      Shartnoma bekor qilinganda, Abonentning elektron hisobidagi ijobiy balansni uning plastik kartasiga ijobiy balansni o'tkazish;

6)      xizmatining uzluksiz ulanishiga cheklovlar o’rnatish;

7)      abonent va Operator o’rtasida tuzilgan boshqa shartnomalar bo’yicha qarzdorlik paydo bo’lgani haqida ma’lumot aniqlangan bo’lsa, Abonent shartnomasi bekor qilish yoki xizmatlarini taqdim etishni cheklash;

8)      abonentda Operator bilan tuzilgan bir nechta shartnoma mavjud bo’lganda, shartnomalarning biri bo’yicha avval ko’rsatilgan Xizmatlarining haqini to’lash hisobiga, boshqa shartnomalar bo’yicha   Abonentning shaxsiy (elektron) hisobidan, oldindan to’langan pul mablag’larini yechib olish;

9)      operator O’zbekiston Respublikasi qonuniy hujjatlari hamda ushbu shartnomada nazarda tutilgan boshqa huquqlarga ega bo’lishi mumkin.

10)    operatorning web-saytida 10 (o’n) kun oldin eʼlon qilish shartiga rioya qilgan holda, Mobil elektron to’lov xizmatlari taqdim etilishini to’liq to’xtatish/tugatish yoki ushbu xizmatlarni taqdim etish tartibi va shartlarini bir tomonlama o’zgartirish.

11)    operator hodimlarining shaxsiyatini xaqoratlash; Operator hodimlari bilan muloqot chog'ida noma'qul so'zlarni ishlatish; Operatorning Aloqa markaziga uning faoliyat doirasiga kirmaydigan savollar bilan bir-necha marta murojaat qilish; Operatorning Aloqa markaziga bir-necha marta to'liq sukut saqlagan holda qo'ng'iroqlarni amalga oshirish va Operator tomonidan Operatorning Aloqa markazi hodimlariga ma'naviy noqulaylik tug'diradigan va shu kabi Abonentlarga O'zbekiston Respublikasining amaldagi qonunchiligiga va Operatorning tartib-qoidalariga mos ravishda xizmat ko'rsatish imkoniyatini cheklaydigan deb baholangan boshqa harakatlarni amalga oshirganda Abonent uchun Operatorning Aloqa markazi xizmatlaridan foydalanishni cheklash.

12) axborot va reklama xabarlarini yuborish, jumladan, uchinchi shaxslardan ham shu turdagi xabarlarni yuborish.

 

 

4.           ABONENTNING HUQUQ VA MAJBURIYATLARI

 

 

4.1              Abonent quyidagilarga majbur:

1)                 ushbu shartnoma shartlariga rioya qilish;

2)                 faqat O’zbekiston Respublikasi standartlari bo’yicha muvofiqlik sertifikatiga ega bo’lgan Abonentlik jihozidan foydalanish va uning IMEI kodi qonun hujjatlarida belgilangan tartibda ro'yxatdan o'tgan bo'lsa;

3)                 abonent jihozidan ishlab chiqaruvchining undan foydalanishning amaldagi yo’riqnomaga muvofiq hamda muayyan hududlarda (aeroport, samolyot va boshqa) amal qiladigan maxsus farmoyish va qoidalarni, xalaqit qiladigan, yoki xavfli vaziyat yuzaga kelishi imkonini oldini olish cheklovlarini (tibbiy muassasalar, texnik xizmat ko’rsatish shaxobchalari, yoqilg‘i saqlash va qayta ortish hududlari, portlash ishlarini o’tkazish va boshqa joylarni) inobatga olib foydalanish. Operator ko’rsatilgan cheklovlar va talablar haqida Abonentga axborot berishga majbur emas;

4)                 abonent to’g‘risdagi ma’lumotlarni identifikatsiyalash maqsadida  (familiyasi, ismi, otasining ismi, doimiy va/yoki vaqtincha yashash joyi,  shaxsini tasdiqlovchi hujjatning seriyasi va raqami), Abonent Operator xodimiga o’zining amal qiluvchi  shaxsini tasdiqlovchi hujjatni (pasport/ID-karta, yangi na’munadagi haydovchilik guvohnoma) taqdim etishi shart;

5)                 Shartnoma shartlariga ko’ra hisob-kitoblarning amaldagi tartibi, Tarif rejasi va taqdim etiladigan xizmatlar ro’yxatiga muvofiq taqdim etiladigan aloqa xizmatlari uchun o’z vaqtida va to’liq haq to’lash;

6)                 xatlarni yetkazish manzili, bank rekvizitlari, amaldagi manzili, pochta manzili va doimiy yoki vaqtincha ro’yxatda turgan joyi, shuningdek boshqa, shartnoma maqsadlarida qo’llaniladigan va shartnomani tuzishda Operator ko’rsatilishi lozim deb talab qilgan hajmdagi ma’lumotlar to’g‘risida to’g’ri va ishonchli  axborotni berish. Ko’rsatilgan ma’lumotlar o’zgargan taqdirda, shuningdek, shartnoma  imzolangan kundagi shaxsini tasdiqlovchi hujjatning (pasport/ID-karta, yangi na’munadagi haydovchilik guvohnoma,) ma‘lumotlari o’zgargan taqdirda,  bunday o’zgarishlar kuchga kirgan kundan boshlab 15 ( o'n besh) kun ichida dolzarb ma’lumotlarni yozma va skan qilingan shaklda (pdf/ jpeg) Operatorga qo’llab-quvvatlash chati orqali taqdim etish;

7)                 operatorning yozma roziligisiz Abonentlik raqamidan Abonent jihozi va/yoki aloqa moslamalarining ishdan chiqishiga olib keladigan lotereyalar, ovoz berishlar, tanlovlar, viktorinalar, reklama, so’rovlar, ommaviy ma’lumot tarqatishlar, «elektron» (shaxsiy) hisob raqamidan pul mablag'larini to'plash, turg‘un aloqa tizimida shlyuz o’rnatish, Internet telefoniya va  boshqa tadbirlarni o’tkazishda foydalanmaslik;

 

8)                 uchinchi shaxslarga Tarmoqqa ulangan SIM/eSim kartadan foydalanish huquqini bermaslik;

 

9)                 SIM/eSim kartadan uchinchi shaxslarning foydalanishi Abonent tomonidan shartnoma majburiyatlari bajarilmasligiga sabab bo’lmaydi;

 

10)             Ommaviy ofertani taklif shartlariga kiritilgan o'zgartirishlar (shu jumladan, tarif rejalariga, tizimga, xizmatlar uchun to'lovlarni to'lash shartlariga, shakllariga va muddatlariga) to'g'risidagi ma'lumotlarni joylashtirgan kundan boshlab 10 kun ichida bunday o'zgarishlarni qabul qilishdan to'liq yoki qisman rad etish to'g'risida Operatorga tegishli ravishda xabar berish, agar Operatorga xabar berilmagan bo'lsa, barcha o'zgarishlar abonent tomonidan qabul qilingan deb hisoblanadi;

 

11)             frod harakat deb baholangan harakatlarni amalga oshirmaslik va ularga yo’l qo’ymaslik;

 

12)             Abonent raqamini noqonuniy xalqaro trafik, shuningdek GSM shluzlar va IP  uchun ishlatish;

 

13)             Abonent O’zbekiston Respublikasi qonunchiligi  va mazkur shartnomaga muvofiq boshqa majburiyatlarga ham ega bo’lishi mumkin.

 

 

4.2              Abonent quyidagi huquqlarga ega:

1)      tarmoqdan telefon so’zlashuvlari uchun, O’zbekiston Respublikasi texnika normativlari va standartlari hamda ushbu shartnoma qoidalariga muvofiq bo’lgan, Operator tomonidan Tarmoqda ruxsat etilgan texnik usullarda ma’lumotlar va boshqa axborot uzatish uchun foydalanish;

2)      operator va uning Vakolatli ofislari, ularning ish tartibi va Operator ko’rsatadigan xizmatlari to’plami to’g‘risida zarur bo’lgan va to’g‘ri axborotni talab qilish;

3)      operator tomonidan O’zbekiston Respublikasi texnika normativlari va standartlari hamda ushbu shartnomaga muvofiq o’z vaqtida va sifatli xizmatni olish;

4)      operator roziligida Operator belgilagan tartibotga muvofiq Operator belgilagan tartibda va Operatorni xabardor qilgan holda, hisob-kitoblar tartibi, tarif rejasi, taqdim etiladigan xizmatlar to’plamini o’zgartirish;

5)      o’zining Abonentlik jihozini Tarmoqqa  O’zbekiston Respublikasi qonunchilik hujjatlari va ushbu shartnomada belgilangan shartlar va tartibda ulash;

6)      ushbu shartnoma bekor qilinishi tahmin qilinayotgan sanasidan 5 ish kundan kechiktirmasdan bu haqida Operatorni yozma ravishda  xabardor qilib,  shartnomani bir taraflama bekor qilish. Bunda Abonent xizmatlari bo’yicha Operator oldidagi qarzini qoplaydi;

7)      ushbu shartnomada aytib o’tilgan  shartlar Operator tomonidan buzilgan taqdirda, Operatorning aloqa xizmatlaridan voz kechish va shartnomani  tahmin qilinayotgan bekor qilish muddatidan kamida 5 ish kuni oldin Operatorni yozma ravishda ogohlantirib bir taraflama bekor qilish. Bunda Abonent xizmatlari bo’yicha Operator oldidagi qarzini qoplaydi;

8)   abonent sifatida o’z huquqlarini shaxsan, yoki notarial tasdiqlangan vakolatnoma, yoki qonun asosida ish yurituvchi vakil orqali amalga oshirish. Abonent SIM/eSim -kartasi ulangan Abonent uskunasi bilan bajarilgan  xizmatlarini olishga qaratilgan harakatlar Abonent nomidan va uning manfaatlarini ko’zlab  bajarilgan deb hisoblanadi;

9)        o’z huquqlari buzilgan hollarda vakolatli davlat organlari yoki sudga murojaat etish;

10)    abonent O’zbekiston Respublikasi qonun hujjatlari va ushbu shartnomada ko’zlangan boshqa huquqlarga ham ega bo’lishi mumkin.

11)     «Mobil elektron pul» xizmatlaridan foydalanish uchun ushbu Ommaviy ofertaning ko’rsatilgan talablarga rioya qilinishi kerak.

12)    operator tomonidan yuboriladigan axborot va reklama xabarlarini, shu jumladan, uchinchi shaxslardan yuboriladigan xabarlarni qabul qilishni rad etish.

 

5.            OPERATOR TOMONIDAN KO’RSATILADIGAN XIZMATLAR UCHUN NARXLAR (TARIF REJALAR)

 

 

5.1              Barcha turdagi xizmatlar va Abonent uskunalariga tariflar, radiotelefon orqali ulanish davomiyligi, tarifikasiya birligi Operator tomonidan mustaqil ravishda belgilanadi va mazkur shartnomaninig ajralmas qismi bo’lmish, Narxnomada aks ettiriladi

 

5.2              Signali chaqirilgan tomon javobiga tenglashtiriladigan va telefon ulanishi davomiyligi hisoblanishini boshlashga xizmat qiluvchi Abonentlik jihozlariga quyidagilar kiradi:

1)      axborot uzatish uskunalari: avtomatik axborot qabul qilish tartibida ishlayotgan modem yoki faksimile asbobi va boshqalar;

2)      avtomatik javob berish uskunasi bilan ta’minlangan har qanday abonentlik jihozi;

3)      avtomatik raqam aniqlagichi bo’lgan abonentlik jihozi;

4)      chaqirilayotgan tomon yo’qligida axborot almashish imkonini ta’minlovchi (yoki imitatsiya qiluvchi) boshqa moslama.

 

5.3                Radiotelefon orqali ulanish xizmatlari uchun to'lov Operator xizmat ko'rsatish vaqtida amal qiluvchi tarif bo'yicha amalga oshiriladi.

 

6.      KO’RSATILGAN XIZMATLAR UCHUN ABONENT BILAN HISOB-KITOB QILISH

 

 

6.1               Xizmatlar Abonent tomonidan operatsiyalarni amalga oshirish sanasiga amal qiluvchi Narx-navo varag‘ida belgilangan miqdordagi oldindan to’lov kiritilganidan keyin amalga oshiriladi.

 

6.2              Operator xizmatlari uchun tariflar O'zbekiston Respublikasining milliy valyutasida o'rnatiladi. Ko'rsatilgan xizmatlar uchun barcha to'lovlar O'zbekiston Respublikasining milliy valyutasida hisoblanadi. Xizmatlar narxiga aksiz solig'i va qo'shilgan qiymat solig'i ham kiradi.

 

6.3              To'lov bankdan tashqari elektron to'lovlar tizimlarining naqd pulsiz hisob-kitoblari orqali yoki O’zRning qonunchiligida ruxsat etilgan boshqa usuli orqali oshirilishi mumkin. 

   

6.4              Abonent Operatorning “OQ” mobil ilovasida ko’rsatib o’tilgan istagan elektron to’lov servislari orqali to’lovni amalga oshirganda, pul mablag’lari Abonentning “Elektron” (shaxsiy) hisob varag‘ida so`m ekvivalentida aks ettiriladi.

 

6.5              Xizmatlardan foydalanilgan sari Abonentning “elektron” (shaxsiy) hisobidan to’lov tarifiga asosan tegishli summalar avtomatik ravishda yechib olinadi.

 

6.6              Ro’xatdan o’tish paytida Abonent tanlagan Tarif va Operator xizmatlari uchun belgilangan pul miqdorini qisman to’lagan holda, Abonent ro’xatdan o’tish paytidan boshlab 24 soat ichida to’liq pul miqdorini amalga oshirishi lozim. Aks holda Operator qabul qilingan summani barchasini yechib olish huquqiga ega va bunday pul mablag’lari faqat Abonent yozma talabnomasiga va ushbu shartnomaning 2.5. bandiga asosan qaytarib beriladi.

 

6.7               “Elektron” (Shaxsiy) hisobdagi sarflanmagan mablag‘ning qoldig‘i haqidagi axborot Abonentga Operator belgilagan usulda, bepul taqdim etiladi.

 

6.8               Aloqa xizmatlaridan kelgusida foydalanish uchun Abonent tomonidan oldindan to’lov ko’rinishida kiritilgan “elektron” hisob raqamidagi to’lov mablag‘i to’liq sarf qilinganida, Operator Abonentga Xizmatlari ko’rsatishni cheklash, shuningdek tugallanmagan suhbatni uzish va uni blokirovka qilingan holatiga o’tkazish huquqiga ega. Oxirgi Tranzaktsiya sanasidan keyin 90 kun mobaynida Abonentning Tranzaktsiya amalga oshirmasligi- bu Abonentning shartnomani bajarilisihni bir tomonlama rad qilishi hisoblanadi.

 

6.9               Shaxsiy hisobvaraqdagi Shartli summa tugamagan va ketma-ket 90 kun mobaynida Abonentning “elektron” hisobidan hech qanday Tranzaktsiya  amalga oshirilmagan bo’lsa, Operator  Abonentning “elektron” hisobidan Abonent raqamiga xizmat ko’rsatilganligi uchun pul mablag’larini yechib olishga haqli, bu haqida abonentga mazkur xizmat ulanishi haqida (“Raqamni saqlab qolish” xizmatini yoqib), oldindan SMS xabar beriladi. Tranzaksiya amalga oshirilganda yoki “elekrton” hisobdagi shartli summa butunlay tugagan holda xizmat to’xtatiladi va abonent raqamiga xizmat ko’rsatish to’xtatiladi.

 

6.10          Abonentning elektron (shaxsiy) hisobidan u foydalangan hajmdagi xizmatlari miqdoridagi summani shu zahoti hisobdan yechish imkoni bo’lmagan  hollarda – masalan, Abonent rouming holatida bo’lganida va boshqa hollarda, shuningdek bu tarif rejasi va xizmat ko’rsatish shartlarida nazarda tutilgan hollarda, Abonentning elektron (shaxsiy) hisobidagi balans manfiy bo’lib qolishi mumkin, bu Abonentning Operator oldidagi qarzdorligini bildiradi va Abonent tomonidan Operator oldida shubhasiz deb e'tirof etiladi. Bu holda telekommunikatsiya xizmatlarini ko’rsatish to’xtatilishi mumkin.

6.11          Agar Abonent o’zining elektron (shaxsiy) hisobining balansni ijobiy korsatkichigacha to’ldirmayotgan bo’lsa, Operator Abonentga mavjud bo’lgan qarzdorlikni belgilangan muddatda to’lash talabi haqida, yozma xabarnomani (e`tirozni) yo’llashga haqli. Abonent xabarnomada (e`tirozda) ko’rsatigan kundan kechiktirmay mavjud bo’lgan qarzdorlikni qoplashi shart.

6.12          Operator Abonentning electron (shaxsiy) hisob‘idagi (balansidagi) pul mablag‘lari miqdoriga ko’ra (cheklov miqdori) Abonentga taqdim etiladigan xizmatlar hajmini qo’shimcha xabarlashsiz cheklashga haqli. Cheklov miqdorlari Operatorning Narx-navo varaqlarida keltirilgan.

6.13          Operator tomonidan Abonentning ma’lum bo`lgan manziliga yo’llangan barcha hisobvaraq va xabarnomalar tegishli tarzda yo’llangan hisoblanadi, ular olinmagan taqdirda hech qanday e’tirozlar Operator tomonidan qabul qilinmaydi.

6.14          Operator tomonidan Abonentga bir shaxsiy (elektron) hisob raqamga, yoki alohida shaxsiy (elektron) hisob raqamlarga biriktirilgan qo’shimcha Abonent raqamlari taqdim etilganda, Abonentga SIM/eSim -kartalarni Operatorning aloqa tarmog‘iga ulanish to’lovini, avans va Abonent tomonidan tanlangan xizmatlar ro’yxatiga, hajmiga va Tarif rejasiga muvofiq boshqa to’lovlarni o’z ichiga olgan hisob taqdim etiladi. Operator tegishli summalar tushgunga qadar Abonentga Xizmatlarni taqdim etmaslik huquqiga ega.

6.15          Mazkur Abonent shartnomasi bekor qilingan holda, Abonentning elektron hisobida qolgan (sarflanmagan) summa O’zbekiston Respublikasi milliy valyutasida mazkur shartnomaning 2.5, 4.2., 7) bandi tartibida qaytarib beriladi.

6.16          Ushbu Abonent shartnomasi bekor qilingan taqdirda, taqdim etilgan Cashback bo’yicha qolgan (sarflanmagan) mablag qaytarilmaydi.

 

 

7.      ABONENTNING OPERATORGA BO’LGAN E’TIROZLARINI KO’RIB CHIQISH TARTIBI

 

 

7.1   Xizmatlari bajarilmaganda yoki tegishli tarzda bajarilmaganida Abonent Operatorga e’tiroz bildiradi.

 

7.2   E’tirozlar yozma skan qilingan (pdf/оpeg) shaklda Operatorning xodimiga electron-chat orqali yetkaziladi va Operator tomonidan belgilangan tartibda ro’yxatga olinadi.

 

7.3   Xizmatlar ko’rsatilmaganligi, vaqtida ko’rsatilmaganligi yoki sifatsiz ko`rsatilganligi bilan bog‘liq e’tirozlar bunday xizmat ko’rsatilgan kundan boshlab 6 (olti) oy davomida qabul qilinadi.

 

7.4   E’tirozlarga ushbu ommaviy ofertaning 7.2 bandida ko’rsatilgan tartibga muvofiq Operator tomonidan ro’yxatga olingan kundan boshlab 15 (o'n besh) kun ichida Operatorning elektron-chat orqali yozma javoblar berilishi shart va / yoki bir oy ichida Abonentni yozma ravishda ogohlantirish bilan, agar ma'lumotlarni qo'shimcha o'rganish zarur bo'lsa.

 

7.5   Aloqa xizmatlaridan Tarmoqqa ruxsatsiz ulanish orqali uchinchi shaxslarning foydalanishi natijasida nizolar yuzaga kelganda, amalga oshirilgan tranzaksiyalar mansubligini aniqlash maqsadida belgilangan tartibda texnikaviy surishtiruv o’tkazilishi lozim. 

 

 

 

8.      TOMONLARNING JAVOBGARLIGI

 

 

8.1  Operator Abonent oldida shartnoma majburiyatlarini bajarmagani, yoki tegishli ravishda bajarmagani, e’lon qilingan xizmat ko’rsatilishining sifati, bu xizmatlarni ko’rsatish muddatlarini  va ularni bartaraf qilish muddatlarini buzganligi, xizmatlari va bu xizmatlarning bajaruvchilari haqidagi noto’g’ri axborot uchun O’zbekiston Respublikasi qonunchiligi yoki mazkur shartnoma bilan ko’zda tutilgan tartib va o’lchamlarda javobgardir.

8.2  Abonentning SIM/eSim kartasining yoqotishi, o’g’irlanishi, yoki boshqa hollarda mavjud emasligi holatlarida, Abonent Operatorning SIM/eSim kartadan foydalanish bilan bo’g’liq xizmatlari uchun, Operatorning Abonentdan mazkur SIM/eSim kartaga xizmat ko’rsatishni to’xtatish haqidagi yozma arizasini qabul qilish paytiga qadar to’lashga javobgardir.

 

8.3  . Operator Abonent oldida bilvosita zararlar va boy berilgan foyda uchun javobgar bo’lmaydi.

8.4  . Operator Abonentning shaxsiy ma‘lumotlaridan foydalanish tartibini buzganligi uchun amaldagi qonun hujjatlarida ko’zda tutilgan holda javobgar bo’ladi.

8.5  Abonent quyidagi hollarda O`z R. qonunchiligiga binoan administrativ va jinoiy javobgarlikka tortiladi:

1)      o`rnatilgan himoya tizimlarini chetlab o`tgan holda telekomunikasiya tarmog`idan foydalanish va xalqaro trafikni o`tkazish maqsadida telekomunikasiya tarmog`idan qonunga xilof ravishda (ruhsatsiz) foydalanish, shuningdek mazkur maqsadlar uchun mo`ljallangan mahsus dasturiy yoki apparat vositalarini qonunga xilof ravishda (ruhsatsiz) saqlash va ularning faoliyat ko`rsatishi uchun sharoitlar yaratish;

2)      kompyuter tizimidan, shuningdek telekommunikasiya tarmoqlaridan qonunga xilof ravishda (ruhsatsiz) foydalanish uchun mahsus vositalarni o`tkazish maqsadini ko`zlab tayyorlash, yoxud o`tkazish va tarqatish;

3)      shartnomaning ushbu bo`limida ko`rsatilgan maqsadlar uchun SIM/eSim -kartaning uchinchi shaxslarga berilishi.

 

 

9.      FORS-MAJOR

 

 

9.1  Ushbu shartnoma maqsadlarida “Fors-major” deganda, Fors-major holati to’g‘risida e’lon qilgan Tomon barcha oqilona hatti-harakatlariga qaramay, bu hodisa xoh O’zbekiston Respublikasida, xoh undan tashqarida sodir bo’lishidan qat’iy nazar, oldini olib bo’lmaydigan, yengilmas va cheklab bo’lmaydigan hodisalar, shu jumladan va shu bilan cheklanib qolmay, urush, ommaviy tartibsizliklar, ish tashlashlar, davlat hokimiyati organlarining qarorlari, embargo, yong‘inlar, portlashlar, suv toshqinlari va boshqa tabiiy ofatlar tushuniladi; biroq, pul yo’qligi, yoki yetishmasligi Fors-major holati bo’lib hisoblanmaydi. 

 

9.2  Har qaysi Fors-major holati yuzaga kelganda, shu Fors-major holati mazkur shartnoma bo’yicha majburiyatlarini bajarishga ta’sir ko’rsatadigan (pul to’lovi holatidan tashqari) Tomon (“Jabrlangan Tomon”) ikkinchi Tomonning ziyoni va zararini qisqartirish va Jabrlangan Tomonning mazkur shartnoma bo’yicha o’z majburiyatlarini bajarish qobiliyatini tiklash uchun barcha zarur choralarni qo’llash, zudlik bilan ikkinchi Tomonni mavjud bo’lgan holatlar to’g‘risida yozma ravishda xabardor qiladi. Fors-major to’g‘risidagi xabarnomada:

(a) Fors-major hodisasi ko’rsatilgan,

(b) uning Jabrlangan Tomon o’z majburiyatlarini bajarish imkoniyatlariga ko’rsatadigan ta’sirini oqilona va batafsil bayon etilgan,

(c) shu Tomondan ikkinchi Tomon ziyon yoki zararlarini qisqartirishga hamda Jabrlangan Tomon mazkur shartnoma bo’yicha o’z majburiyatlarini bajarish qobiliyati tiklanishiga qaratib qo’llanilayotgan choralar bayon etilgan bo’lishi kerak.

Yuzaga kelgan favquloddagi holatlar to’g‘risda xabarlamslik yoki vaqtida xabarlamaslik ikkinchi Tomonni shartnoma majburiyatlarini bajarilmasligidagi javobgarlikdan ozod qilish uchun shu holatlardan birontasini asos sifatida ko’rsatish huquqidan mahrum qiladi.

  

9.3   Agar Fors-major tufayli Tomonlarning biri mazkur shartnoma bo’yicha o’z majburiyatlari bajarilishini kechiktirsa, bunday kechiktirish muddatlari ushbu shartnomada nazarda tutilgan muddatlarni hisoblashda inobatga olinmaydi, va shu Tomon Fors-major hodisasi sababli bajarmaslik doirasidagi shartnoma bo’yicha olingan majburiyatlar kechiktirib bajarilganligi uchun oqlanadi, biroq shu sharti bilanki, Fors-major tufayli Tomonlardan birontasi Fors-major to’g‘risidagi Xabarnoma jo’natilganidan keyin 60 (oltmish) kun davomida o’zining biror majburiyatini bajara olmasa, tomonlar zudlik bilan ushbu Fors-major holati oqibatlarini aniqlash maqsadida maslahatlashib, Tomonlar ixtiyoriga ko’ra vaziyatga qarab tegishli zarur choralarni qo’llashi lozim. Agar Tomonlar  Fors-major to’g‘risidagi Xabarnoma topshirilgan kundan boshlab  90 (to’qson) kun mobaynida o’zaro maqbul choralarni ko’rishga kelisha olmasalar, Tomonlarning har biri ushbu shartnomani bekor qilishi mumkin.

 

10.  SHARTNOMA MUDDATI

 

 

10.1          Ushbu shartnomaning amal qilish muddati Ofertani qabul qilgan, ya’ni Abonentlik shartnomasini imzolagan (2.1 band) sanadan boshlanadi va

-         tanlangan tarif va xizmatlar uchun oldindan to’lovni amalga oshirish uchun 24 soat Ichida amal qiladi, va bunday to’lov oshirilmagan holda shartnoma tuzilmagan hisoblanadi;

-         Abonent tomonidan tanlangan Tarif va boshqa xizmatlar uchun birinchi pul o’tkazmasi amalga oshirilgan holda, ushbu shartnoma tomonlar orasida tuzilgan hisoblanib majburiyatlari bajargan vaqtiga qadar yoki shartnoma bekor qilinishiga qadar belgilanadi.

 

11.  BOSHQA SHARTLAR

 

 

11.1          Aloqa sifatining yomonlashishi, yoki uzilishi radioto’lqinlarning tabiiy tarqalishi yoki ustma-ust kelishi, Abonent binolar yaqinida yoki ichida, tunnellar ichida, yerto’lalar yoki boshqa yerosti inshootlarda bo’lganda; joylardagi rel’ef yoki qurilishning xususiyatlariga ko’ra; mahalliy simli telefon tarmoq operatorlari hamda xalqaro va sharhralararo aloqa operatorlari jihozlarining texnik xususiyatlari va holati; meteorologiya sharoitlari va Operator ta’sir ko’rsatishi va oldini olishining imkoni bo’lmagan boshqa sabablar oqibatida yuzaga kelsa, Operator bunday aloqa sifati yomonlashishi yoki uning uzilishi uchun javobgar bo’lmaydi.

 

11.2           Abonentga taqdim etiladigan radiotelefon aloqa tarmoqning konstruktiv xususiyatlariga ko’ra operator vakolatiga kirmaydigan mahalliy simli telefon tarmoqlar operatorlari jihozlari, hamda xalqaro va sharhralararo aloqa operatorlari jihozlarining sifatiga bog‘liqdir.

 

11.3          Abonent buyurtmasi asosida uchinchi shaxslarning Operator tarmog‘i orqali jo’natiladigan kontent taqdim etilmasligi, yoki vaqtida taqdim etilmasligi, uning  mazmuni va sifati uchun Operator javob bermaydi.

 

11.4          “To’lov” xizmati “BeeLab” MChJ tomonidan taqdim etiladi, 100047, Toshkent sh., Mirobod tumani, Buxoro ko’ch., 1- uy.

Sebzor opertsion O’zMB TIF

Toshkent sh.bo’yicha “O’zmilliybank” AJ

Hisob raqami: 20208000500848702001 

MFO: 00450,  STIR: 305325864, IFUD: 62010. O’zbekiston Markaziy banki 2022-yil 08-sentabrdagi 46-raqamli litsenziyasi

 

11.5          Aloqa xizmatlarini ko’rsatish bilan bog‘liq masalalar yuzasidan barcha nizo va kelishmovchiliklar tomonlar o’rtasida amaldagi O’zbekiston Respublikasining qonunchiligi,   hamda ushbu shartnoma shartlariga muvofiq hal qilinadi. Tomonlar o’zaro kelishuvga binoan erishilmagan nizolar O’zbekiston Respublikasi sud organlarida ko’rib chiqiladi.

 

11.6          Shartnomani jismoniy shaxs bo’lgan Abonentdan boshqa jismoniy shaxs nomiga qayta rasmiylashtirish bevosita har ikki shaxs huzurida va shaxsini tasdiqlovchi hujjatlari (pasportlar/ID-kartalar, yangi na’munadagi haydovchilik guvohnomalari, yoki xarbiy xizmatchilar uchun harbiy bilet/guvohnomalari) taqdim etilganda amalga oshiriladi.

11.7          Abonent Operator tomonidan ushbu Ofertaning 3.1 va 3.2 bandida nazarda tutilgan tartibda, tarqatilgan tariflarning o’zgarishi to’g‘risidagi axborotni. hamda u hisobvaraqlarni Operatorga bog‘liq bo’lmagan sabablarga ko’ra olmagan hollarda, ular olinmagani uchun Operator javobgar bo’lmaydi va bu boradagi e’tirozlarni qabul qilmaydi.

11.8          Operator tomonidan mazkur shartnoma shartlariga ko’ra ko’rsatiladigan aloqa xizmatlari to’g‘risidagi qo’shimcha axborotlar bilan Operator “OQ” mobil ilovasida tanishish mumkin, shuningdek, ommaviy axborot vositalarida  va Operatorning rasmiy WEB-saytida e’lon qilinadi. 

 

11.9          Mazkur shartnomani bajarishga bog‘liq yoki undan kelib chiqadigan barcha axborot va xabarlarni tomonlar bir-biriga shartnomada ko’rsatilgan xat-xabar yetkazish manzillariga jo’natadilar, yoki    tomonlar kelishgan xolatlarda elektron tarzda elektron-chat orqali yetkazadilar.

 

11.10      Mazkur Oferta va uning ajralmas qismi bo`lgan qo`shimchalar Rus tilida tuzilgan va O’zbek tiliga tarjima qilingan. Ushbu Ofertaning biror qoidasini talqin qilishda nizoli vaziyat yuzaga kelganda, Rus tilidagi talqini ustunlik kuchiga ega bo’ladi.  

 

12.  REKVIZITLAR VA BOG'LANISH UCHUN MA'LUMOTLAR

 

 

OOO "Unitel", Manzil: O'zbekiston Respublikasi, 100047, Toshkent sh., Mirobоd tumani, ko'ch. Buxoro, 1.

h/r: 20208000700971325001

O'zbekiston Respublikasi Tashqi iqtisodiy faoliyat milliy banki Bosh boshqarmasi huzuridagi Amaliyot boshqarmasi

MFO: 00451

STIR: 201838002

IFUT 61200

 

0909 2020- mobil telefondan murojaat qilish uchun raqam

99820 002 2020 – OQ mijozlari bo’lmagan shaxslar uchun murojaat qilish uchun raqam

 

Sayt: www.oq.uz

 

 

 

 

 

 

 

 

 

 

«Unitel» MChJ telekommunikatsiya xizmatlarini ko'rsatish bo'yicha Ommaviy ofertaga 2-ilova

 

Mobil elektron to‘lov xizmatlarini taqdim etish qoidalari (keyingi matnlarda - Qoidalar)

Ushbu Qoidalar Abonent tomonidan O'zbekiston Respublikasi qonunchiligiga muvofiq onlayn shakldagi fuqarolik-huquqiy bitimlar bo‘yicha to‘lovlarni va boshqa operatsiyalarni amalga oshirish, shu jumladan, Operatorning axborot tizimi va tarmog‘i orqali Abonent tomonidan Elektron pullar tizimining operatori yoki Uchinchi shaxslar xizmatidan foydalangan holda Abonentning elektron hamyonini to‘ldirish va Elektron pullar bilan to‘lovlarni amalga oshirish jarayonidagi Operator va Abonentning munosabatlarini tartibga soladi.

1. Ushbu Qoidalarda qo‘llaniladigan atamalar va ta'riflar.

1.1. Avtorizatsiya - Abonentning Elektron pullar bilan operatsiyalarni amalga oshirish huquqini tekshirish (tasdiqlash) jarayoni.

1.2. Axborot tizimi - Elektron to’lov tizimining operatoriga axborotni qayta ishlash tizimi va Elektron pul tizimi ishtirokchilari o‘rtasida axborot uzatishni, tegishli tashkiliy va texnik resurslar, shuningdek, Abonent ko‘rsatmalarining o‘tkazilishini taʼminlovchi tizim.

1.3. Yetkazib beruvchi - Elektron pullardan foydalangan holda to‘lovni amalga oshiradigan Abonentlarga xizmatlar, ishlar yoki tovarlarni sotish bilan shug‘ullanadigan shaxs.

1.4. To‘lov – Yetkazib beruvchi va Abonent o‘rtasida pul mablag‘larini to‘lov vositalaridan foydalangan holda o‘tkazish, shu jumladan Elektron pullardan foydalangan holda tuzilgan fuqarolik-huquqiy bitimlar bo‘yicha Abonent tomonidan tovarlar (xizmatlar, ishlar) uchinchi shaxslar (yetkazib beruvchilar) xizmatlari uchun Elektron pullar tizimi orqali to‘lov/ayirboshlash operatsiyasi.

1.5. Limit – bitta operatsiyaning maksimal miqdori, Elektron pul egasi tomonidan amalga oshirilgan muayyan davr uchun bitimlar soni.

1.6. Mobil elektron to‘lov – Elektron pullar tizimi operatorining Elektron pullar tizimida Abonentga Elektron pullar sotish bo‘yicha xizmatlari.

1.7. Ko‘rsatma – Abonentning ushbu Qoidalarda nazarda tutilgan usullar bilan Abonent tomonidan taqdim etiladigan Elektron pullar bilan operatsiyalarni amalga oshirish to‘g‘risida Abonentning elektron hamyonini va Elektron pullar tizimini to‘ldirish to‘g‘risida operator manziliga bir vaqtning o‘zida berilgan buyurtma.

1.8. Individual to‘lov raqami - Abonent Elektron pullar sotib olganidan so‘ng, Elektron pullar tizimining operatori tomonidan Abonentga taqdim etiladigan raqam bo‘lib, u orqali Abonent Elektron pullar sotib olinganlikni tasdiqlovchi hujjatni olish imkoniyatiga ega bo‘ladi.

1.9. Elektron pullar tizimining operatori – qonunchilikka muvofiq to‘lov tashkiloti yoki to‘lov agenti sifatida elektron to‘lov tizimining ishlashini taʼminlaydigan bank yoki boshqa yuridik shaxs (keyingi matnlarda - Operator). Operator Elektron pullar yordamida to‘lovlarni, Elektron pullarni olish va jismoniy shaxslarga realizatsiya qilish va boshqa ayirboshlash operatsiyalarini amalga oshiradi.

1.10. Elektron pullar tizimi – Elektron pullar bilan to‘lovlar va boshqa ayirboshlash operatsiyalarini amalga oshirishni taʼminlaydigan Elektron pullar tizimi operatorining dasturiy-texnik vositalari, hujjatlari va tashkiliy-texnik faoliyati majmui.

1.11. Elektron pullar tizimi operatorining web-sayti - Internet tarmog‘idagi elektron to‘lov tizimi operatorining axborot resursidir (tegishli maʼlumotlar Kompaniyaning www.beeline.uz rasmiy saytida joylashtiriladi).

1.12. Elektron pullar tizimining ishlash qoidalari – Elektron pullarni chiqarish, realizatsiya qilish, sotib olish, qoplash, shuningdek, Elektron pullardan foydalangan holda Elektron pullar tizimida operatsiyalarni amalga oshirishni nazarda tutadigan va O‘zbekiston Respublikasining qonun hujjatlari, normativ-huquqiy hujjatlari hamda Operator/Elektron pullar tizimining operatori tomonidan belgilanadigan tartib-qoidalar, Internet tarmog'ida tegishli https://www.wooppay.uz/files/privacy_policy.pdf saytida joylashtirilgan.

1.13. Elektron pullar – Elektron pullar emitentining elektron shaklda saqlanadigan hamda Elektron pullar tizimida to’lov vositasi sifatida qabul qilinadigan shartsiz va chaqirib olinmaydigan pul majburiyatlari.

1.14. Elektron hamyon – Elektron pullar tizimining dasturiy taʼminoti, mikroprotsessor (chip), Elektron pullar saqlanadigan va ulardan foydalanish imkonini beradigan dasturiy-texnik qurilma.

1.15. Elektron hamyonni to‘ldirish – Abonent tomonidan elektron to‘lov tizimining operatoridan Elektron pullarni sotib olish va ularni Abonentning ko‘rsatmasi asosida amalga oshiriladigan elektron hamyonga o‘tkazish operatsiyasi.

wbilan tuzilgan bitmga muvofiq, Elektron pullar tizimi doirasida Elektron pullarni chiqarish, uzatish, qabul qilish, ulardan foydalanish, sotib olish, sotish yoki to‘lash huquqi yoki majburiyati mavjud bo‘lgan jismoniy yoki yuridik shaxs.

1.17. Elektron pullarni qoplash – emitent tomonidan o’zi chiqargan, Elektron pullar egasi taqdim etgan Elektron pullarni ularning nominal qiymatiga teng pul mablag‘lari summasiga almashtirish operatsiyasining amalga oshirilishini nazarda tutuvchi to‘lov xizmati.

1.18. Elektron hamyonni bloklash – elektron hamyonga kirishni va Elektron pullardan foydalanishni taqiqlash.

1.19. Emitent – O‘zbekiston Respublikasining “To‘lovlar va to‘lov tizimlari to‘g‘risida”gi Qonuni, O‘zbekiston Respublikasi Markaziy banki boshqaruvining “O‘zbekiston Respublikasi hududida Elektron pullarning chiqarilishi va muomalada bo‘lishi qoidalari” (Adliya vazirligi tomonidan 29.04.2020 yilda ro‘yxatdan o‘tkazilgan, ro‘yxat raqami 3231) va boshqa sohaviy normativ-huquqiy hujjatlarga muvofiq Elektron pullar tizimida Elektron pullarni chiqarish va qoplashni amalga oshiruvchi tijorat banki.

Ushbu Qoidalarda nazarda tutilmagan atamalar va taʼriflar maʼnosi/mazmuni, Ommaviy ofertada nazarda tutilgan atamalar va taʼriflar maʼnosi/mazmuniga muvofiq talqin qilinadi.

 

2. Umumiy qoidalar

2.1. Ushbu Qoidalar shartlariga muvofiq, Operator o‘z axborot tizimi va tarmog‘i orqali Abonentning Emitent tomonidan belgilangan shartlar doirasida Elektron pullar tizimining operatori tomonidan Abonentga Elektron pullarni (keyingi o‘rinlarda – Elektron pullar summasini to‘ldirish) sotishni amalga oshirish, Abonentning elektron hamyonini to‘ldirish, Elektron pullar bilan operatsiyalarni amalga oshirish to‘g‘risida maʼlumot berish, elektron to‘lovlarni amalga oshirish yoki Elektron pullar bilan boshqa operatsiyalarni amalga oshirish imkoniyatini yaratadi.

2.2. Elektron pullar tizimining operatori tomonidan Abonentga Elektron pullarni realizatsiya qilish, Abonentlarga yetkazib beruvchining xizmatlari, tovarlari, ish haqini to‘lash va Elektron pullar tizimida Elektron pullar bilan boshqa operatsiyalarni amalga oshirish imkoniyati beriladi.

Elektron pullar tizimining operatori elektron pul tizimidagi Abonentga quyidagi imkoniyatlarni beradi:

- elektron pullarni realizatsiya qilish;

- elektron pullarni ayirboshlash;

- tovarlar va ishlar uchun to'lovlarni amalga oshirish;

- boshqa operatsiyalarni bajarish.

2.2.1. Axborot tizimida tegishli ko‘rsatmalarni yo‘naltirish orqali Abonent Elektron pullar tizimining operatoridan Elektron pullar summasini oladi va ulardan foydalangan holda to‘lovni yetkazib beruvchi foydasiga yoki Emitentning Elektron pullar shartlari asosida boshqa operatsiyalarni amalga oshiradi. Ko‘rsatmalar Operator/Elektron pullar tizimi operatorining axborot tizimidan foydalangan holda Abonentlarga ushbu Qoidalarda nazarda tutilgan usullar bilan taqdim etiladi.

2.3. Elektron pulni sotib olish va boshqa elektron to'lov operatsiyalarini bajarish bo'yicha elektron pul tizimi Operatori bilan hisob-kitoblar Abonent tomonidan oldindan hisob-kitob qilish tartibi bilan abonent raqamlari bo'yicha Ommaviy shartnoma asosida aloqa xizmatlari uchun avans sifatida kiritilgan mablag‘lar hisobidan amalga oshiriladi.

2.3.1. Abonent tomonidan Elektron pullar sotib olinganda Abonentning Shaxsiy (elektron) hisob raqamidan tegishli mablag‘lar yechib olinganligi to‘g‘risida tegishli maʼlumotlar Operatorning telekommunikatsiya xizmatlari bo‘yicha hisob-kitob (billing) tizimidagi maʼlumotlar (detalizatsiya) da batafsil aks ettiriladi.

2.4. Elektron pullar bilan operatsiyalar Abonent tomonidan Elektron pullar tizimining ishlash qoidalarida nazarda tutilgan tartibda va shartlarda amalga oshiriladi.

2.5. Ushbu Qoidalar shartlarini qabul qilish (akseptlash) orqali Abonent o‘zining roziligini tasdiqlaydi va Elektron pullar tizimining ishlash qoidalariga to‘liq rozi bo'ladi

 

3. Abonentni ushbu Qoidalarga qo‘shib olish tartibi

3.1. Abonent ushbu Qoidalarga qo’shib olinishi, Abonentni ushbu Qoidalarning shartlari va elektron pul tizimining tegishli Qoidalari bilan tanishganligi va ularga roziligini anglatadi.

3.2. Abonent ushbu Qoidalarga qo'shib olinishi va ularning kuchga kirishi payti Abonent tomonidan quyidagi harakatlardan birini amalga oshirish vaqti hisoblanadi: 

3.2.1. tegishli yo'riqnomada va (yoki) elektron pul tizimining tegishli Qoidalarida ko'rsatilgan 5505 raqamiga va boshqa raqamlarga SMS yuborish orqali;

3.2.2. Ushbu Qoidalar va elektron pul tizimi qoidalarining shartlari bilan rozilikni tasdiqlash, matn yoki ushbu Qoidalarning matniga va web-resurslardagi elektron pul tizimining tegishli qoidalariga yoki Abonent qurilmalari uchun mo'ljallangan boshqa ilovalarga havola yonidagi tegishli qatorda belgi (tasdiq belgisi qo'yish) ko'rinishida ifodalangan;  

3.2.3. Tegishli qatorlarda 5505 jo’natuvchidan sms orqali olingan bir martalik tasdiqlash kodini va tegishli ko'rsatmalarda va (yoki) elektron pul tizimining tegishli qoidalarida ko'rsatilgan boshqa raqamlarni kiritish orqali;

3.2.4. Operator bilan ushbu Qoidalarning joriy versiyasi va elektron pul tizimining tegishli Qoidalari joylashtirilgan Internet tarmog'idagi manzilini ko'rsatgan holda Qoidalarga va (yoki) Elektron pul mablag'larining tegishli Qoidalariga havolani o'z ichiga olgan boshqa shartnomalarni imzolash.

 

 

 

3.3. Ushbu Qoidalarga qo'shilish orqali Abonent o'z roziligini bildiradi va Operatorga, tegishli elektron pul tizimining Operatoriga mobil moliyaviy xizmatlarni taqdim etish uchun shaxsiy ma'lumotlarini to'plash va qayta ishlashga ruxsat beradi, Operator tomonidan Abonentning Operatordan shaxsiy ma'lumotlarining elektron pulining tegishli tizimini olishga rozilik beradi, shuningdek Abonentning shaxsiy ma'lumotlarini Operatorga, emitentga va tegishli elektron pul tizimining boshqa ishtirokchilariga, shu jumladan, O'zbekiston Respublikasi qonun hujjatlari talablariga muvofiq elektron pul tizimi Operatori tomonidan elektron pul egasi sifatida Abonentni masofadan identifikatsiyalashni amalga oshirish maqsadida kelgusida qayta ishlash uchun zarur. Shaxsiy ma'lumotlarni qayta ishlash shaxsiy ma'lumotlarni to'plash, saqlash, o'zgartirish, qo'shimcha qilish, foydalanish, tarqatish, shaxssizlashtirish, bloklash va yo'q qilish, shu jumladan shaxsiy ma'lumotlarni emitentga yoki boshqa uchinchi shaxslarga ushbu Qoidalarda nazarda tutilgan va (yoki) elektron pul xizmatlari tizimining tegishli Qoidalari bilan ta'minlash jarayonida uzatish kabi shaxsiy ma'lumotlar bilan bog'liq harakatlar (operatsiyalar) deb tushuniladi. Operator uchinchi shaxslar bilan tuzilgan maxfiylik to'g'risidagi bitm asosida abonentlarning shaxsiy ma'lumotlarini faqat ushbu Qoidalarda va (yoki) elektron pul tizimining tegishli qoidalarida nazarda tutilgan majburiyatlarni bajarish maqsadida qayta ishlashga topshirish huquqiga ega.

3.4. Abonentga quyidagi hollarda elektron pul tizimidan foydalanish va elektron pulni olish imkoniyati taqdim etiladi:

3.4.1. Agar Abonent aloqa xizmatlari yoki Operator tomonidan ko'rsatiladigan boshqa xizmatlar uchun qarzdor bo'lmasa;

3.4.2. Abonent qurilmasi bloklanmagan bo'lsa;

3.4.3. Shaxsiy (elektron) hisob balansidagi pul miqdori Mobil elektron to'lov xizmatlari uchun yetarli bo'lganda;

3.4.4. Elektron pul bilan operatsiyalar miqdori O'zbekiston Respublikasi qonun hujjatlarida belgilangan limitlardan oshmaganida;

3.4.5. Abonent tomonidan kiritilgan ma'lumotlar to'g'ri bo'lganda;

3.4.6. Abonent raqami jismoniy shaxs/yakka tartibdagi tadbirkor nomiga ro‘yxatga olingan bo‘lganda;

3.4.7. Abonent raqami Rouming rejimida bo'lmaganda (faqat «Unitel» MChJ abonentlari uchun).

3.5. Operator/Elektron to‘lov tizimining operatori, Abonent ushbu bandda nazarda tutilgan shartlar talablariga javob berganda yoki qonun hujjatlari talablariga zid bo‘lmagan boshqa asoslarda ham Abonentga Mobil elektron to‘lov xizmatlari ko‘rsatilishini rad etish huquqini o‘zida saqlab qoladi.

 

4. Operator va Abonentning huquq va majburiyatlari.

4.1. Operatorning majburiyatlari:

4.1.1. Operatorning web-saytida maʼlumotlarni joylashtirish orqali Abonentlarga ushbu Qoidalarga o‘zgartirish va qo‘shimchalar kiritilishi haqida 10 (o‘n) kun oldin xabardor qilish.

4.1.2. Abonent haqidagi shaxsiy ma'lumotlarning maxfiyligini ta'minlash. Bunday holda, Abonent o'zining shaxsiy ma'lumotlarini (harakati va / yoki harakatsizligi tufayli) ochib beradi.

Shaxsiy maʼlumotlar yo'qotilishi va / yoki ko'rilgan zarar munosabati bilan Abonent tomonidan yetkazilgan har qanday zarar uchun Operator javobgar bo'lmaydi.

4.2. Operatorning huquqlari:

4.2.1. Operatorning web-saytida 10 (o‘n) kun oldin eʼlon qilish shartiga rioya qilgan holda, Mobil elektron to‘lov xizmatlari taqdim etilishini to‘liq to‘xtatish/tugatish yoki ushbu xizmatlarni taqdim etish tartibi va shartlarini bir tomonlama o‘zgartirish.

4.2.2. Operator/Elektron pullar tizimining operatori Abonent tomonidan ko‘rsatmalar berish usullarini bir tomonlama o‘zgartirish va/yoki to‘ldirish.

4.2.3. Abonent tomonidan ushbu Qoidalarning shartlari buzilganligi yoki Abonent firibgarlik yoki boshqa noqonuniy xatti-harakatlarni sodir etsa (shu jumladan, Abonent gumon qilinayotgan yoki ayblanadigan hollarda) Abonentni ushbu haqda oldindan ogohlantirmasdan, Abonentga Mobil elektron to‘lov xizmatlarini taqdim etishdan bosh tortish yoki ularni to‘xtatish.

4.3. Abonentning majburiyatlari:

4.3.1. Ushbu Qoidalarda talab va majburiyatlarni to’liq bajarish nazarda tutilgan.

4.3.2. Mobil elektron to‘lov xizmatlari doirasida taqdim etilgan qo‘shimcha xizmatlar uchun to‘lovlarni amalga oshirish. Bunda, ushbu xizmatlar uchun to‘lov majburiyati Abonent qurilmasi yoki Abonent raqami Abonent tomonidan uchinchi shaxsga foydalanishga topshirilganda ham saqlanib qoladi.

4.3.3. Mobil elektron to‘lov xizmatlaridan foydalanishni taʼminlovchi Abonent qurilmasi yoki parol va/yoki SIM/eSim -karta yo‘qolgan taqdirda, ushbu haqda Operatorga/Elektron pullar tizimining operatoriga zudlik bilan xabar berish va Abonent raqamini 0611 2020 yoki +998901850055 99820 002 20 20 telefon raqamlari orqali bloklash uchun murojaat qilish yoki Operatorning web-saytida ko‘rsatilgan manzil bo‘yicha xizmat ko‘rsatish ofisiga murojaat qilishmobil ilovadagi onlayn chat orqali murojaat qilish lozim.

4.4. Abonentning Huquqlari:

4.4.1. Ushbu Qoidalarda nazarda tutilgan talablarga rioya etish sharti bilan, «Mobil elektron pullar» xizmatlaridan foydalanish.

4.4.2. Elektron pullar tizimida amalga oshirilgan operatsiyalari haqida Operator/Elektron pullar tizimining operatorining web-saytida yoki boshqa usullarda maʼlumot/ko‘chirmalar olish.

 

5. Mobil elektron to'lovlar xizmatlarini taqdim etish.

Operatorning mukofoti.

5.1. Operator/Elektron pullar tizimi operatori Abonentdan mobil elektron to‘lov xizmatlari uchun mukofot puli/komissiyani undirishi mumkin.

5.1.1. Abonent tomonidan to‘lanishi lozim bo‘lgan mukofot/komissiya miqdori to‘g‘risidagi maʼlumotlar Abonentga Operator/Elektron pullar tizimi operatorining rasmiy web-saytida eʼlon qilinadi.

 

6. Operator va Abonentning javobgarligi

6.1. Abonentning Elektron pullar bilan operatsiyalari Elektron pullar tizimida amalga oshiriladi. Bunda, Elektron pullar tizimining noto‘g‘ri ishlashi va/yoki hisob-kitob ishtirokchilari o‘rtasida axborot va texnologik hamkorlikni taʼminlash bo‘yicha xizmatlarning noto‘g‘ri ko‘rsatilishi, shu jumladan, Elektron pullardan foydalangan holda operatsiyalarni amalga oshirishda shakllanadigan axborotni yig‘ish, qayta ishlash va uzatish, to‘lovlar va (yoki) pul o‘tkazish bilan bog‘liq o‘z majburiyatlarini bajarmaganlik yoki lozim darajada bajarmaganlik uchun Elektron pullar tizimi operatori yoki uchinchi shaxslar javobgar bo‘ladi.

6.2. Mobil elektron to‘lov xizmatlarini ko‘rsatish doirasida xizmat ko‘rsatish majburiyatlari, tovarlar va ishlarni yetkazib berish, ularning sifati hamda muddatida yetkazib berish bo‘yicha javobgarlik yetkazib beruvchining zimmasida bo‘ladi.

6.2.1. Yetkazib beruvchi tomonidan ko‘rsatilgan xizmatlar, ishlar va sotilgan tovarlar bo‘yicha yuzaga kelgan barcha daʼvolar/eʼtirozlar, shuningdek, tovarlar va/yoki xizmatlar va/yoki ishlarni almashtirish – qaytarish talablari Abonent tomonidan bevosita yetkazib beruvchiga taqdim etilishi shart. Ularning rekvizitlari tovar, ish yoki xizmat sotib olinadigan web-saytda/elektron platformada ko‘rsatilgan bo‘ladi.

6.2.2. Abonent 6.2-bandda ko‘rsatilgan holatlar yuzaga kelganga Elektron pullar tizimi operatorining va/yoki uchinchi shaxslarning foydalanuvchilarini qo‘llab-quvvatlash xizmatiga murojaat qilishi lozim.

6.3. Operator, Operatorning aybi bo‘lmagan holda texnik platformalar va axborot tizimlari yoki tarmoqlari ishida kechikishlar va uzilishlar uchun Abonent oldida javobgar bo‘lmaydi.

6.4. Abonent nomiga rasmiylashtirilgan Abonent raqami orqali yoki unga tegishli Abonent qurilmasida o‘rnatilgan maxsus ilovalar yordamida yoki web-saytlardagi identifikatsiya yoki autentifikatsiya maʼlumotlari yordamida amalga oshirilgan Abonent qurilmasining foydalanuvchilari yoki uchinchi shaxslarning harakatlari uchun barcha xatarlar (risklar) bo‘yicha to‘liq javobgarlikni Abonent o‘z zimmasiga oladi.

6.5. Operator yetkazib beruvchi tomonidan ko‘rsatiladigan xizmatlar, yetkazib beriladigan tovarlar, ishlar sifati uchun javobgar bo‘lmaydi.

6.6. Operator Abonentning xatti-harakatlari va uning Abonent (shaxsiy) maʼlumotlarini noto‘g‘ri kiritish va ularni to‘ldirishda, ko‘rsatishda, shuningdek, Elektron pullar tizimining boshqa ishtirokchilari tomonidan yo‘l qo‘ilgan xatolar bilan bog‘liq oqibatlar uchun javobgar bo‘lmaydi.

6.7. Abonent qurilmasi yoki Abonentning SIM/eSim -kartasi yo‘qotilgan, o‘g‘irlangan yoki Abonentning egaligidan boshqa usullarda chiqib ketgan hollarda, Abonentning ushbu Abonent qurilmasi va/yoki SIM/eSim -kartadan uchinchi shaxslarning foydalanishi bilan bog‘liq barcha xatarlar (risklar) bo‘yicha javobgarlik Abonent tomonidan Operatorga Abonent raqamini yoki SIM/eSim -kartani bloklash to‘g‘risida ariza topshirilgunga qadar Abonent zimmasida qoladi.

6.8. Abonent tomonidan Elektron pullar tizimida amalga oshirilgan noto‘g‘ri operatsiyalar, shu jumladan, Elektron pullarni o‘tkazish bo‘yicha yoki elektron hamyon bilan bog‘liq boshqa noto‘g‘ri operatsiyalar, shuningdek, yetkazib beruvchi tomonidan majburiyatlarning bajarilmaganligi yoki lozim darajada bajarilmaganligi uchun (agar ushbu yetkazib berish shartnomasi bo‘yicha nazarda tutilgan To‘lov agentining majburiyatlari to‘liq hajmda bajarilgan bo‘lsa ham) Operator javobgar bo‘lmaydi.

 

7. Abonent tomonidan elektron hamyonlarni to'ldirish va Elektron pullar bilan operatsiyalarni amalga oshirish bo'yicha ko'rsatmalar berish tartibi.

7.1. Elektron hamyonni to'ldirish va elektron pul bilan operatsiyalarni amalga oshirish uchun Abonent elektron pul tizimi operatoriga ko'rsatma yuboradi, bu ham Operatorga elektron hamyonni to'ldirish uchun asos va ko'rsatma bo'ladi. elektron pul bilan rejalashtirilgan operatsiya va Abonent o'z yo'nalishi bo'yicha aniqlangan elektron pul bilan operatsiyani bajarish bo'yicha ko'rsatma. Tegishli elektron pul tizimi operatori Abonent operatsiyalari miqdorining Operator va elektron pul tizimi operatori tomonidan belgilangan chegaralarga muvofiqligini nazorat qilishni, shuningdek, bunday operatsiyalarning talablarga muvofiqligini nazorat qilishni ta'minlaydi. O'zbekiston Respublikasining amaldagi qonunchiligi, shu jumladan. jinoyatchilikdan olingan daromadlarni legallashtirishga (legallashtirishga) va terrorizmni moliyalashtirishga qarshi kurashish to'g'risidagi qonun hujjatlari. Abonent amaldagi qonunchilik talablariga muvofiq masofadan identifikatsiyalashni amalga oshirish uchun Operatorga o'z shaxsiy ma'lumotlarini elektron pul tizimi Operatoriga keyingi ishlov berish uchun berishga roziligini beradi.

7.2. Abonentning elektron hamyonini to‘ldirish Abonentning Shaxsiy hisob raqamidagi mablag‘i hisobiga, Elektron pullar tizimi operatoridan Elektron pullar olish va ularni Abonentning elektron hamyoniga o‘tkazish ko‘rsatmasi asosida amalga oshiriladi. Bunda Abonentning elektron hamyonini to'ldirish to'g'risidagi ko'rsatma Operator tomonidan elektron pul tizimi amalga oshirilgandan so'ng Operatorga Abonentning operatsiya summasi miqdorining operator va operator tomonidan elektron pul tizimi chegaralariga muvofiqligini tekshirish, shuningdek bunday operatsiyalarning O‘zbekiston Respublikasining “Jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirg‘in qurolini tarqatishni moliyalashtirishga qarshi kurashish to‘g‘risida”gi Qonuniga muvofiqligini tekshirish Abonent Operatorga amaldagi Qonunchilik talablariga muvofiq masofadan turib identifikatsiyalashni amalga oshirish maqsadida Elektron pullar tizimining operatoriga shaxsiy ma'lumotlarini uzatishga rozilik beradi.

7.3. Abonentning ko'rsatmasida quyidagi ma'lumotlar bo'lishi kerak: to'lov miqdori, elektron to‘lovni amalga oshirish uchun talab qilinadigan rekvizitlar (Shaxsiy (elektron) hisob raqami, yetkazib beruvchi talablariga muvofiq boshqa rekvizitlar). Elektron pullar Abonentning Shaxsiy (elektron) hisob raqamidagi mavjud qoldiq mablag‘lar hisobidan sotib olinishi mumkin.

7.4. Ko'rsatmada kiritilgan ma'lumotlarning to'g'riligi uchun Abonent javobgardir.

7.5. Abonentning ko'rsatmasi Abonent qurilmasidan va/yoki Rasmiy saytlarda joylashtirilgan ko'rsatmalarga muvofiq, quyidagi usullardan birida amalga oshiriladi:

7.5.1. 5505 raqamiga Qisqa matnli xabarlar va tegishli yo'riqnomada ko'rsatilgan boshqa raqamlarni yuborish orqali;

7.5.2. Rasmiy saytlarning grafik interfeyslarida joylashtirilgan ko'rsatmalarga rioya qilish.

7.6. Abonent tomonidan ko'rsatma yuborilganda, To'lov xavfsizligini oshirish va/yoki Abonent ko'rsatmasiga aniqlik kiritish maqsadida, Operator Abonent tomonidan bir martalik kodlarni kiritishni va/yoki Abonent tomonidan qo'shimcha yuborishni nazarda tutishi mumkin. Qisqa matnli xabarlar. Operator sheriklariga tegishli Rasmiy web-saytlarning grafik interfeyslari yordamida yuborilgan Abonent yo'riqnomasini olganda, Abonent bir martalik kodlarni kiritishi va/yoki Abonent qo'shimcha Qisqa matnli xabarlarni yuborishi To'lov/Ko'rsatmalarni tekshirishning majburiy tartibi hisoblanadi.

7.7. Ko'rsatmalarni taqdim etish usullari Operator tomonidan bir tomonlama o'zgartirilishi va/yoki to'ldirilishi mumkin.

7.8. Ushbu elektron pul tizimida yakka tartibdagi tadbirkorlarning maxsus elektron hamyonlaridagi elektron pullar qayta sotilmaydi.

 

8. Alohida shartlar

8.1. Quyidagi hollarda Abonent Elektron pullar tizimining operatoriga ushbu Operator web-saytida ko‘rsatilgan telefon raqamlar orqali murojaat qilishi lozim:

- elektron pullardan foydalanilganlik haqida maʼlumotlar yoki Elektron pullar tizimidan ko‘chirmalar olish uchun;

- parolni tiklash masalalari bo‘yicha, shu jumladan, mobil ilova orqali parolni tiklash imkoni bo‘lmagan taqdirda;

- Elektron pullarni chiqarish, hisobga olish va to‘lovni amalga oshirish bo‘yicha;

- mablag‘larni noto‘g‘ri o‘tkazish va/yoki yechish bilan bog‘liq nizoli holatlar bo‘yicha.

8.2. Xizmat ko‘rsatish shartlari (shu jumladan Emitent komissiyalari, pul o‘tkazish operatsiyalarini amalga oshiruvchi tashkilotlar va Elektron pullar tizimi operatorining mukofotlarini o‘z ichiga oladi), Elektron pullar vositasidan foydalanish, emitent, Elektron pullar tizimi operatori va to‘lov agenti yoki subagenti sifatida to‘lov operatsiyalarini amalga oshiruvchi uchinchi shaxslar haqidagi maʼlumotlar Elektron pullar tizimi operatorining web-saytida joylashgan (ushbu haqda tegishli maʼlumotlar Kompaniyaning www.beeline.uz rasmiy web-saytida joylashtiriladi).

8.2.1. Abonent Operatorning axborot tizimi va tarmog‘i orqali Mobil elektron to‘lov xizmatlaridan foydalanishni boshlashidan oldin ushbu maʼlumotlar bilan tanishib chiqishi shart.

8.3. Mobil elektron to‘lov xizmatlari imkoniyatlari boshqa yetkazib beruvchilar va emitentlarni hamkor sifatida jalb qilish yoki ushbu qoidalarga boshqa o‘zgartirishlar kiritish orqali kengaytirilishi yoki o‘zgartirilishi mumkin.

Ushbu haqida tegishli maʼlumotlar Operatorning web-saytida «Xizmatlar uchun to'lov» bo'limida yoki Elektron pullar tizimi operatorining web-saytida joylashtiriladi yoxud tegishli mobil ilova orqali xabarnoma eʼlon qilinadi.

8.4. Abonent ushbu Qoidalarning barcha shartlariga o‘z roziligini bildirishi bilan bir qatorda, Operatordan Mobil elektron to‘lov xizmatlariga oid SMS-xabarlarni, shuningdek, ro‘yxatdan o‘tish vaqtida ko‘rsatiladigan o‘zining elektron pochta manziliga tegishli xabarlarni va yangiliklarni qabul qilishga rozilik beradi.

8.5. Operator uchinchi shaxslar bilan tuzilgan maxfiylik to‘g‘risidagi Shartnoma asosida Abonentning shaxsiy maʼlumotlarini faqat ushbu Qoidalarda nazarda tutilgan majburiyatlarni bajarish maqsadida qayta ishlashga topshirishi mumkin.

Abonentga Mobil elektron to‘lov xizmatlari bo‘yicha maslahatlar Kompaniyaning www.beeline.uz rasmiy saytida joylashtirilgan telefon raqamlariga qo‘ng‘iroq qilish orqali qo‘llab-quvvatlash markazi (Call-markaz) tomonidan amalga oshiriladi.

8.6. Elektron pullar tizimining operatori elektron hamyonlardan foydalangan holda amalga oshirilgan barcha operatsiyalarning ro‘yxatga olinishini, operatsiyalar to‘g‘risida statistik va axborot tarzidagi hisobotlarning shakllantirilishini va operatsiyalar to‘g‘risidagi maʼlumotlarni ular shakllantirilgan, jo‘natilgan yoki qabul qilingan formatda, yaxlitligi va o‘zgarmasligiga amal qilgan holda 5 (besh) yildan kam bo‘lmagan muddatda saqlanishini taʼminlaydi.

8.7. Ushbu Qoidalar va unga kiritilgan barcha ilovalar Ommaviy ofertaning ajralmas qismi hisoblanadi va Operatorning saytida eʼlon qilinadi.

8.8. Ushbu Qoidalar bilan tartibga solinmagan barcha huquqiy munosabatlar Ommaviy oferta qoidalariga muvofiq yoki amaldagi qonunchilik doirasida tartibga solinadi.

 

9. Amal qilish muddati

9.1. Ushbu Qoidalar Ommaviy ofertaning amal qilishi davrida to‘liq amal qiladi (Operator tomonidan tegishli xabarnoma berish orqali Mobil elektron to‘lov xizmatlari taqdim etilishini to‘liq to‘xtatish/tugatish hollari bundan mustasno).

“Unitel” MChJ tomonidan

telekommunikatsiya xizmatlarini “OQ” mobil ilovasida ko‘rsatish bo‘yicha Ommaviy ofertaga 3-ilova

 

Abonent raqamlarini ko‘chirish (MNP) xizmatlarini taqdim etish tartibi (keyingi o‘rinlarda Tartib deb yuritiladi)

 

 

Donor-operator - abonent raqami telekommunikatsiya tarmog'idan uzatiladigan uyali aloqa operatori;

Qabul qiluvchi operator (recipient) – abonent raqami telekommunikatsiya tarmog‘iga ko’chirilgan mobil aloqa operatori;

KRMB operatori — KRMB shakllantirilishi, ishlashi, texnik kuzatilishi va rivojlanishini ta’minlaydigan, uning resurslaridan foydalanishni taqdim etadigan tashkilot;

Xato ko’chirish- uyali aloqa operatorlari (provayderlar) tomonidan abonentdan arizasiz abonent raqamini ko’chirish (“inson omili” bilan bog‘liq xato tufayli abonentdan arizada ko‘rsatilgan raqam o‘rniga boshqa raqamni ko’chirish, ya’ni , texnik tizimlar bilan o'zaro aloqada bo'lgan xodimlarning noto'g'ri harakatlari tufayli);

Abonent raqamini ko’chirish (MNP) - boshqa operator (qabul qiluvchi) bilan yangi shartnoma tuzishda uyali aloqa xizmatlarini ko'rsatish shartnomasi asosida donor tomonidan ajratilgan abonent raqamini saqlash va undan foydalanish bo'yicha tashkiliy va texnik chora-tadbirlar kompleksi. Abonent raqamini ko’chirish Telekommunikatsiya xizmatlarini ko‘rsatish qoidalarida (O‘zbekiston Respublikasi Adliya vazirligida 2020-yil 30-iyundagi 3275-son ro‘yxatidan o‘tkazilgan) nazarda tutilgan.

            Port-In - Qabul qiluvchi operatoridan Donor operatoriga o'tish;

            Port-Out - Donor operatoridan Qabul qiluvchi operatorga o'tish

1. Abonent raqamlarini ko’chirish (MNP) bo'yicha xizmat ko'rsatish shartlari:

1.1.   Mobil aloqa tarmoqlarida abonent raqamini ko’chirish to‘g‘risidagi ariza abonentdan shaxsini tasdiqlovchi hujjati original rasmini ilovadagi onlayn-chat orqali yuborilgan holda (qabul qiluvchi operatorning texnik imkoniyatlaridan kelib chiqqan holda) qabul qiluvchi operator mijozlarning qo’llab quvvatlash onlayn-chat orqali onlayn tarzda qabul qilinadi.

1.2.   Abonent raqamini Donor-operatordan Qabul qiluvchi operatorga ko’chirish abonent shartnomasi tuzilganiga 90 kalendar kuni o’tganidan keyin amalga oshiriladi.

1.3.   Raqamni ko’chirish xizmati abonentga har 30 kalendar kunida bir martadan ko‘p bo‘lmagan holda taqdim etiladi.

 

2. Operatorning majburiyatlari va huquqlari:

 

2.1. Operator va qabul qiluvchining majburiyatlari:

 

1)      abonent raqamini ko’chirish to‘g‘risidagi arizani qabul qilish va Telekommunikatsiya xizmatlarini ko‘rsatish qoidalarida (O‘zbekiston Respublikasi Adliya vazirligining 2020-yil 30-iyundagi 3275-son ro‘yxatidan o‘tkazilgan) belgilangan barcha shartlar bajarilgan taqdirda, raqamni ko’chirish mumkin (Port-In).

2)      arizani to'ldirishning to'g'riligini tekshiring, uni ro'yxatdan o'tkazing va KRMB-ga so'rov yuboring yoki ariza KRMB interfeysi orqali KRMB operatori tomonidan qabul qilinganligini tasdiqlang.

3)      Ommaviy oferta shartlarida nazarda tutilgan tartibda, abonent bilan yangi shartnoma tuzish va unga qabul qiluvchiga berilgan raqamlash diapazonidan vaqtinchalik raqamga ega va abonent tomonidan arizada ko‘rsatilgan tarif rejasiga ulangan yangi SIM-kartani berish.

4)      abonentni SIM-kartaga vaqtinchalik raqam bilan SMS-xabar jo‘natib, rad etish sababini ko‘rsatgan holda KRMB operatoridan abonent raqamini ko’chirish rad etilganligi to‘g‘risida xabar berish.

 

 

 

    2.2.   Operator, donor majburiyatlari:

 

1)     KRMB operatoriga quyidagi hollarda abonent raqamini ko’chirishni rad etish to'g'risida asosli xabar yuborish lozim:

 

- donor operator tomonidan abonentning ishonchsiz shaxsiy ma'lumotlarini olish (KRMB so'rovida olingan shaxsiy ma'lumotlar bilan donor va abonent o'rtasidagi uyali aloqa xizmatlarini ko'rsatish shartnomasida ko'rsatilgan ma'lumotlar o'rtasidagi nomuvofiqlik; abonent raqami ko’chirish uchun ariza bergan shaxsga tegishli emas; ariza bergan shaxsning vakolatlari yetarli bo'lmagan taqdirda);

- rouming xizmatlari bundan mustasno, donor bilan tuzilgan aloqa xizmatlarini ko'rsatish shartnomasi bo'yicha donor tomonidan tekshirish vaqtida abonentda qarzdorlik mavjudligi;

- abonentning donor oldidagi shartnoma bo‘yicha majburiyatlari bor-yo‘qligi.

 

3. Abonentning majburiyatlari va huquqlari:

 

3.1.   Abonent quyidagilarga majbur:

 

1)      agar donor bilan uyali aloqa xizmatlarini ko'rsatish to'g'risida shartnoma tuzilgan paytdan boshlab abonent raqamini qabul qiluvchi operatorga ko’chirish to'g'risida ariza berishdan oldin operator, abonentning shaxsini tasdiqlovchi hujjatning shaxsiy ma'lumotlarida o'zgarishlar yuz bergan bo'lsa (familiyasini o'zgartirish, pasportni almashtirish va boshqalar) donor operator bilan uyali aloqa xizmatlarini ko'rsatish shartnomasini qayta tuzilishi kerak.

 

3.2.   Abonent quyidagi huquqlarga ega:

 

1)      abonent raqamini qabul qiluvchi operatorga ko’chirish uchun ariza berish.

2)      donor abonent raqamini ko’chirish so‘rovini tasdiqlamaguncha, abonent raqamini ko’chirish xizmatlaridan voz kechish.